حوزہ نیوز ایجنسی کی رپورٹ کے مطابق، مجلسِ وحدت مسلمین پاکستان کے مرکزی رہنما علامہ مقصود علی ڈومکی نے مدرسہ خاتم النبیین جیکب آباد میں ایک پریس کانفرنس سے خطاب کرتے ہوئے کہا کہ ماہ محرم، باطل یزیدیت کے خلاف حق و حسینیت کی فتح کا مہینہ ہے۔ امام حسینؑ نے قلیل تعداد کے ساتھ ظلم و جبر پر مبنی یزیدی سلطنت کو شکست دے کر انسانیت کو ہر دور کے یزید کے خلاف قیام کا درس دیا۔ امام حسینؑ تمام مکاتبِ فکر، تمام ادیان و اقوام کے لیے عقیدت و احترام کا مرکز ہیں۔
انہوں نے اعلان کیا کہ 15 جون 2025 کو، مدرسہ جامعۃ المصطفیٰ خاتم النبیین، جیکب آباد میں عظیم الشان پیغامِ کربلا کانفرنس منعقد ہوگی، جس میں تمام مسالک، مذہبی، سیاسی و سماجی شخصیات شریک ہوں گی۔
علامہ ڈومکی نے سندھ، خصوصاً جیکب آباد، شکارپور اور بلوچستان بارڈر کے علاقوں میں بڑھتی ہوئی بدامنی پر شدید تشویش کا اظہار کیا اور کہا کہ ملک میں چوری، ڈاکے، موٹر سائیکل اور موبائل چھیننے کے واقعات معمول بن چکے ہیں۔ معصوم بچوں کا اغوا ایک خطرناک رجحان اختیار کر چکا ہے۔کالعدم جماعتوں کی سرگرمیاں، خصوصاً شہداد کوٹ میں کالعدم تنظیم کی محرم سے پہلے شرانگیزی، انتہائی تشویشناک ہے۔ شہداد کوٹ پولیس شرپسندوں کے خلاف ایف آئی آر درج کرے۔
پریس کانفرنس کے اہم مطالبات:
1. سندھ حکومت اور وفاقی حکومت فوری امن و امان کے قیام پر توجہ دیں۔ اور محرم الحرام کے دوران فول پروف سیکیورٹی انتظامات کو یقینی بنائے۔
2. کچے و پکے کے ڈاکوؤں اور ان کے سرپرستوں کے خلاف گرینڈ آپریشن کر کے جرائم پیشہ عناصر کے خلاف سخت کارروائی کی جائے۔
3. شیعہ رہنماؤں، مساجد و مدارس کی فول پروف سیکیورٹی کو یقینی بنایا جائے۔
4. جن جوانوں سے موٹر سائیکل، موبائل یا نقدی چھینی گئی ہے، ضلعی انتظامیہ فوری ریکوری کرے۔
5. محرم سے پہلے رضاکاروں و اسکاؤٹس کی تربیتی نشستیں منعقد کی جائیں۔ اور ضریح پاک امام حسین علیہ السلام کا مسئلہ جلد حل کیا جائے۔
اخوت و اتحاد کا پیغام
شیعہ، سنی، دیوبندی، بریلوی سب آپس میں بھائی بھائی ہیں۔
قرآن و سنت ہمیں اخوت اور بھائی چارے کا درس دیتے ہیں۔
جو لوگ فرقہ واریت کو ہوا دیتے ہیں، وہ شر پسند عناصر ہیں۔
بچوں کے خلاف جرائم پر افسوس کا اظہار کرتے ہیں۔
شکارپور میں معصوم روہت کمار اوڈ کا قتل اور معصوم بچے انس تھہیم کا اغواء قابل مذمت ہیں۔
سندھ حکومت بچوں کے تحفظ اور عام شہریوں کی سلامتی کو یقینی بنائے۔
پریس کانفرنس میں سید غلام شبیر نقوی (صوبائی نائب صدر، ایم ڈبلیو ایم عزاداری ونگ صوبہ سندھ)،سید کامران علی شاہ بخاری (ڈویژنل صدر، ایم ڈبلیو ایم یوتھ ونگ)،نظیر حسین جعفری (ضلعی صدر، ایم ڈبلیو ایم)،حاجی شاہ مراد ڈومکی (سینیئر وائس چیئرمین، ال ڈومکی اتحاد)،منصب علی ڈومکی (ضلعی صدر، ال ڈومکی اتحاد)،مظفر علی تالانی (ضلعی صدر، یوتھ ونگ)،استاد رفیق ڈومکی ، زوار غلام مصطفی،علامہ سیف علی ڈومکی (ضلعی صدر، مجلس علمائے مکتب اہل بیتؑ)،سید محمد علی اصغر۔ متولی مرکزی امام بارگاہ جیکب آباد شریک تھے۔
آپ کا تبصرہ