حوزہ نیوز ایجنسی کی رپورٹ کے مطابق، شیطان بزرگ امریکہ اور غاصب صیہونی حکومت کی دھمکیوں کے بعد رہبرِ انقلابِ اسلامی آیت اللہ العظمٰی امام سید علی خامنہ ای کی حمایت میں قم کے عوام نے عظیم الشان اور تاریخی کفن پوش ریلی نکالی، جس میں ہزاروں خواتین و حضرات نے شرکت کی۔
شدید گرمی میں عصا کے سہارے ریلی میں شریک معمر خاتون نے کہا کہ میرے بیٹے کہہ رہے تھے: نہیں آنا گرمی زیادہ ہے۔ مگر میں نے کہا یہ میرا دینی فریضہ ہے۔ اگر دشمن ہمارے رہبر کی توہین کرے تو میں چپ نہیں بیٹھ سکتی۔
ریلی میدانِ جانبازان سے لے کر میدانِ شہداء تک مشتمل تھی اور صفائیہ روڈ پر ہر طرف رہبرِ انقلابِ اسلامی کے ساتھ وفاداری کے فلک شگاف نعرے گونج رہے تھے۔
اس عظیم الشان احتجاجی مظاہرے سے آیت اللہ سید احمد خاتمی نے خطاب کرتے ہوئے کہا کہ یہ وہی قوم ہے جس نے 1979 میں امام خمینیؒ کے لیے یا موت یا خمینی کا نعرہ لگایا تھا۔ آج وہی امت امام خامنہ ای کے لیے اسی شعور اور جذبے سے نعرہ لگا رہی ہے۔
انہوں نے مزید کہا کہ ٹرمپ اور اسرائیلی لیڈروں کی دھمکیاں صرف ایک شخص یا کسی نظام پر ہی نہیں، بلکہ دین مبین اسلام پر حملہ ہیں۔ مگر وہ جان لیں کہ ایران کا اسلامی نظام عوام کے خون، ایمان اور غیرت سے قائم ہے اور یہ قوم اپنی قیادت، دین اور وطن کے لیے آخری سانس تک میدان میں موجود رہے گی۔
ریلی کے شرکاء میں جوانوں کے علاوہ بزرگ، خواتین اور بچے بھی موجود تھے۔ بہت سارے لوگ سفید کفن پہنے، ہاتھوں میں بینرز اور پیشانیوں پر سرخ و سبز پٹیاں باندھے ہوئے تھے۔
ریلی کے دوران ایک باپ نے اپنے معصوم بچے کو کندھے پر اٹھا رکھا تھا جس کے سر پر لکھا تھا: "جان نثار سید علی"۔ وہ بلند آواز میں کہہ رہے تھے: "اے حیوان صفت دشمنو! سن لو! ہم فدائیانِ سید علی ہیں، تم جیسے خبیثوں کو ہمارے رہبر کی طرف انگلی اٹھانے کی اجازت نہیں دیں گے۔
آپ کا تبصرہ