حوزہ نیوز ایجنسی کی رپورٹ کے مطابق حزب اللہ لبنان نے "طوفان الاقصیٰ" کارروائی کے دو سال مکمل ہونے پر اپنے ایک بیان میں فلسطینی عوام اور مزاحمتی تحریکوں کی مکمل حمایت پر زور دیا۔
بیان میں کہا گیا ہے کہ "طوفان الاقصیٰ" کارروائی نے اسرائیلی ریاست کے اصل چہرے کو بے نقاب کر دیا، جو انسانی اقدار سے عاری اور امریکی حمایت یافتہ ہے۔
حزب اللہ نے زور دے کر کہا کہ خطے کی سلامتی اور استحکام کا انحصار عرب اور اسلامی ممالک کے باہمی اتحاد اور اس دشمن کے خلاف مزاحمت کی حمایت پر ہے، جو صرف طاقت کی زبان سمجھتا ہے۔
جماعت نے فلسطینی عوام، تمام مزاحمتی گروہوں اور ایران، یمن، عراق سمیت ان تمام ممالک اور اقوام کو خراجِ تحسین پیش کیا جو غزہ کے مظلوموں کی حمایت میں سرگرم ہیں۔
آخر میں کہا کہ فلسطینی عوام کی قربانیاں اور جدوجہد تاریخ کے صفحات پر ہمیشہ روشن رہیں گی، اور خدا کے فضل و کرم سے وہ دن دور نہیں جب فلسطین اپنے حقیقی وارثوں کو واپس ملے گا۔
آپ کا تبصرہ