حوزہ نیوز ایجنسی کی رپورٹ کے مطابق، برطانوی اخبار فنانشل ٹائمز نے دعویٰ کیا ہے کہ اسلامی تحریک حماس نے غاصب اسرائیل کے ساتھ جنگ بندی کے معاہدے کے چند گھنٹوں بعد ہی غزہ پٹی پر اپنا کنٹرول دوبارہ حاصل کرنے کا عمل شروع کر دیا ہے۔
عرب ذرائعِ ابلاغ کے مطابق، اسلامی تحریک حماس نے غزہ کے مختلف علاقے؛ جہاں سے غاصب صیہونی فوجی پیچھے ہٹ چکے ہیں، وہاں تقریباً سات ہزار سیکیورٹی اہلکار تعینات کیے ہیں، تاکہ وہاں امن و امان بحال رکھا جا سکے۔
رپورٹ کے مطابق، حماس کے اہلکار غزہ کی سڑکوں پر گشت کر رہے ہیں، تاکہ غاصب اسرائیل سے وابستہ ایجنٹ یا موقع پرست عناصر موجودہ حالات کا غلط فائدہ نہ اٹھا سکیں۔
یہ بات قابلِ ذکر ہے کہ سیاسی ماہرین کے مطابق، جنگ بندی کے فوراً بعد ہی حماس کا یہ اقدام اس بات کی علامت ہے کہ تنظیم نہ صرف غزہ کے داخلی نظم و نسق کو برقرار رکھنا چاہتی ہے، بلکہ سیاسی طور پر بھی اپنا اثر و رسوخ دوبارہ مستحکم کر رہی ہے۔
آپ کا تبصرہ