حوزہ نیوز ایجنسی کی رپورٹ کے مطابق، فلسطینی اسلامی مزاحمتی گروہوں نے قیدیوں کے تبادلے کے معاہدے کے تحت 9 اسرائیلی قیدیوں کو بین الاقوامی کمیٹی برائے صلیبِ سرخ کے نمائندوں کے حوالے کر دیا ہے۔
واضح رہے یہ عمل؛ غزہ جنگ بندی معاہدے کے پہلے مرحلے کے طور پر انجام پایا ہے۔
رپورٹ کے مطابق، قیدیوں کے اس گروپ میں چار افراد شدید زخمی ہیں، جو غزہ پر صیہونی جارحیت کے دوران زخمی ہوئے تھے اور ان کی جسمانی حالت تشویشناک بتائی جا رہی ہے۔
واضح رہے رساں ادارہ فرانس پریس نے بھی اطلاع دی ہے کہ غزہ کے وسطی علاقے دیرالبلح میں صلیبِ سرخ کے دفاتر فلسطینی قیدیوں کو وصول کرنے کی تیاری کر چکے ہیں، جو اسی معاہدے کے تحت جلد رہا کیے جائیں گے۔
غاصب صیہونی ذرائع نے بتایا ہے کہ اسرائیلی حکام فلسطینی قیدیوں کی فہرست کا ازسرنو جائزہ لے رہے ہیں، تاکہ پہلے مرحلے میں ان کی رہائی کے عمل کو حتمی شکل دی جا سکے۔
غاصب صیہونی چینل 12 کے مطابق، سینکڑوں اسرائیلی شہری تل ابیب کے مرکز میں "اسرائیلی قیدی چوک" میں جمع ہیں، جہاں وہ قیدیوں کے تبادلے کے آغاز کا انتظار کر رہے ہیں۔
آپ کا تبصرہ