حوزہ نیوز ایجنسی کی رپورٹ کے مطابق، قائدِ ملت جعفریہ پاکستان علامہ سید ساجد علی نقوی کی زیرِ سرپرستی ساحل سمندر کراچی سے لے کر گلگت کے پہاڑوں تک ملک عزیز پاکستان میں خدمات انجام دینے والی ملت جعفریہ پاکستان کی طلبہ جماعت و بازوئے قائدِ ملت جعفریہ، جے ایس او کا عظیم الشان 16واں عزم تعلیم و تعمیرِ وطن مرکزی جعفریہ طلباء کنونشن 7,8,9 نومبر 2025ء بروز جمعہ، ہفتہ اور اتوار کو سکھر (روہڑی) میں منعقد ہوگا۔
یہ کنونشن تنظیم میں موجود جعفری جوانوں میں اک نئے جوش و جذبے اور اپنے شہداء کی قربانیوں کو یاد کرتے ہوئے نئے دورانیے میں مزید بہتر سے بہتر کام کرنے کا باعث بنے گا۔
کنونشن میں پاکستان بھر سے نظریہ قیادت سے سرشار جعفری طلباء شریک ہوکر شہدائے جے ایس او پاکستان سے عہد کرتے ہوئے اس طلباء تنظیم کے سفر کو آگے بڑھانے اور اس کی کامیابی و ترقی کے لیے اپنے نئے محبوب مرکزی صدر کا انتخاب کریں گے اور اک نئے جوش و جذبے کے ساتھ اپنے نئے دورانیے کا آغاز کریں گے اور اس عظیم الشان کنونشن میں خصوصی خطاب قائد ملت جعفریہ پاکستان علامہ سید ساجد علی نقوی فرمائیں گے۔
آپ کا تبصرہ