حوزہ نیوز ایجنسی کی رپورٹ کے مطابق، انقلابِ اسلامی کی تحریک کے پہلے شہید مجتہد، آیت اللہ سید محمدرضا سعیدی کی برسی کے موقع پر ایک مجلسِ ترحیم قم کے وادی السلام قبرستان میں منعقد ہوئی، جس میں مختلف سرکاری، مذہبی اور سماجی شخصیات نے شرکت کی۔
تقریب میں حرم حضرت فاطمہ معصومہ سلام اللہ علیہا کے متولی، خدام، صوبائی حکام، مذہبی و ثقافتی شخصیات اور عوام کی بڑی تعداد شریک ہوئی۔ مقررین نے آیت اللہ سعیدی کی علمی، دینی اور انقلابی خدمات کو خراجِ عقیدت پیش کرتے ہوئے اسلامی انقلاب کی جدوجہد میں ان کے نمایاں کردار کو اجاگر کیا۔
تقریب سے خطاب کرتے ہوئے حجۃ الاسلام والمسلمین مشرف، معاونِ ثقافت حرمِ مطہر حضرت معصومہ سلام اللہ علیہا نے شہید آیت اللہ سعیدی کی مجاہدانہ زندگی اور ان کی انقلابی جدوجہد پر روشنی ڈالی۔ انہوں نے کہا کہ آیت اللہ سعیدی، پہلوی حکومت کے خلاف جدوجہد کرنے والے اولین علمائے کرام میں شامل تھے اور امام خمینی کے وفادار ساتھیوں میں شمار ہوتے تھے۔
انہوں نے نوجوان نسل تک شہدائے روحانیت کی سیرت، افکار اور قربانیوں کو منتقل کرنے کی ضرورت پر زور دیتے ہوئے کہا کہ ان عظیم شخصیات کی یاد کو زندہ رکھنا انقلابِ اسلامی کی اقدار کے تحفظ کے لیے نہایت اہم ہے۔
تقریب کے اختتام پر کربلائی علی حبیب زادہ نے مرثیہ خوانی اور مدحِ اہل بیت علیہم السلام پیش کی، جبکہ شرکاء نے شہید آیت اللہ سعیدی کی خدمات اور قربانیوں کو خراجِ تحسین پیش کیا۔
آپ کا تبصرہ