حوزہ نیوز ایجنسی کی رپورٹ کے مطابق، حجت الاسلام حسن علیدادی سلیمانی نے کہا کہ عالمی یوم مسجد ہر سال 31 مرداد (22 اگست) کو مسجد الاقصیٰ کو آگ لگانے کے واقعے کی یاد میں منایا جاتا ہے، جو صہیونی حکومت کے ظالمانہ اور غاصبانہ کردار کی ایک واضح مثال ہے۔
انہوں نے کہا کہ مسجد صرف نماز اور عبادت کے لیے مخصوص جگہ نہیں بلکہ اللہ کی اقدار کو عام کرنے، لوگوں میں اتحاد پیدا کرنے اور اچھی سوچ و فکر کی تربیت کا مرکز ہے۔ انقلاب اسلامی ایران بھی مساجد ہی سے شروع ہوا اور آج بھی مساجد معاشرے کے بہت سے مسائل حل کرنے میں اہم کردار ادا کرسکتی ہیں۔
حجت الاسلام علیدادی سلیمانی نے کہا کہ ہمیں مل کر مساجد کو اس مقام تک پہنچانے کی کوشش کرنی چاہیے جو اسلامی نظام میں ان کا حقیقی مقام ہے۔ خاص طور پر نوجوانوں کو مساجد سے جوڑنے اور ان کی دینی، اخلاقی اور فکری تربیت کے لیے مؤثر منصوبہ بندی کی ضرورت ہے۔
انہوں نے ائمہ جماعت، مسجد کی انتظامیہ، خادمین اور مسجد سے وابستہ تمام افراد کی خدمات کو سراہتے ہوئے ان کا شکریہ ادا کیا اور دعا کی کہ اللہ تعالیٰ سب کو مساجد کی خدمت اور انہیں آباد رکھنے میں کامیابی عطا فرمائے۔
آپ کا تبصرہ