حوزہ نیوز ایجنسی | اربعین حسینی کے موقع پر دنیا بھر سے زائرین کربلا پہنچتے ہیں اور یہ اجتماع اتنا عظیم ہوتا ہے کہ اس میں شامل لوگوں کی تعداد کروڑوں میں پہنچ جاتی ہے۔ زائرین کے اس جم غفیر کو دیکھ کر یہ اندازہ ہوتا ہے کہ امام حسینؑ کی قربانی آج بھی مسلمانوں کے دلوں میں زندہ ہے اور وہ ان کے مشن کو اپنی زندگیوں کا حصہ سمجھتے ہیں۔

زیادہ تر زائرین کے عراق میں زمینی راستے سے داخلے کی وجہ سے بارڈر اور Exit Gates پر بیس صفر تک شدید بھیڑ جمع ہونے کے قوی امکان ہیں، اس لئے ذیل میں ہم آپ کو کچھ ایسے نکات بتا رہے ہیں، جن کی رعایت کرکے آپ اس ساری صورتحال میں کافی حد تک آسودہ حال رہ سکتے ہیں۔

1۔ کبھی بھی اپنے سفر کو اربعین کے آخری دنوں تک ملتوی نہ کریں۔
2۔ حکام کی سفارشات اور مہران بارڈر پر ہجوم ہونے کے امکان کے مطابق، جہاں تک ممکن ہو دیگر سرحدوں کو ایگزٹ بارڈر کے طور پر منتخب کریں۔
3۔ اربعین کی زیارت کے لیے محدود تعداد میں البتہ ٹولیوں کی صورت میں جائیں۔
4۔ اگر گروپ کا کوئی فرد بھیڑ میں پھنس جائے تو اسے بچانے کے لیے ہرگز رش میں داخل نہ ہوں۔
5۔ اگر آپ کو کسی مقام پر ہجوم نظر آئے تو اس سمت جانے سے گریز کریں اور وہاں سے دور رہیں۔
6۔ کوشش کریں کہ نسبتاََ کم رش والی جگہوں سے گزریں اور ہجوم سے بچیں۔
7. چیخنے، توانائی ختم کرنے اور تناؤ پیدا کرنے سے گریز کریں اور اگر ممکن ہو تو پانی پیئں۔
8۔ لوگوں کو روندتے ہوئے آگے بڑھنے کی کوشش نہ کریں۔ دھکے دینے سے گریز کریں اور باقی زائرین کا توازن بگاڑنے سے اجتناب کریں۔
9۔ اپنے آپکو اور اپنے ساتھیوں کو صبر کی تلقین کریں۔
10۔ اپنی آنکھیں ہمیشہ کھلی رکھیں اور توازن برقرار رکھیں اور اگر کوئی بھیڑ میں گر بھی جائے تو اسے اٹھا لیں، کیونکہ جب ایک شخص گرتا ہے تو باقی ہجوم اپنا توازن کھو سکتا ہے۔
11۔ ہجوم میں اپنے ہاتھ اپنے سینے پر رکھیں، تاکہ آپ کے سینے اور اگلے شخص کے درمیان محفوظ جگہ پیدا ہو۔
12۔ اگر آپ اندھیرے میں کسی بھیڑ میں پھنس جائیں تو بھیڑ سے بھاگنے کی کوشش نہ کریں، بلکہ اپنے آپ کو بھیڑ کے حوالے کر دیں۔