حوزہ نیوز ایجنسی کی رپورٹ کے مطابق، ہندوستان کے صوبہ گجرات میں مومنین گجرات (مہتا) کی جانب سے بتاریخ 1 فروری، ولادت با سعادت امام محمد تقی علیہ السلام کے عنوان سے عظیم الشان جشن کا انعقاد کیا گیا جس میں مولانا محمد شاھد ریاضی نے ضرورت و اہمیت امام پر روشنی ڈالی۔
انہوں نے لوگوں سے سیرت امام پر عمل کرنے کی تاکید کی اور کہا: ہر قوم ملت کو چاہئیے کہ جس سماج اور معاشرے سے وابستہ ہو اس ملک و قوم کے آئین کی پیروی کرے۔
مولانا محمد شاھد ریاضی نے جشن سے خطاب کرتے ہوئے کہا: رہبر قوم کی سلامتی کا ضامن ہوتا ہے، جس قوم کا رہبر نہیں ہوتا وہ قوم ٹوٹ کر بکھر جاتی ہے۔
اطلاع کے مطابق یہ جشن تقریبا رات 9:30 بجے تک جاری و ساری رہا، مؤمنین نے کثیر تعداد میں شرکت کی، بانی جشن شیعیہ اثنا عشری مؤمن جماعت نے تمام مؤمنین کا شکریہ ادا کرتے ہوئے محفل کو اختتام تک پہنچایا۔