حوزہ نیوز ایجنسی کی رپورٹ کے مطابق، حسب سابق امسال بھی جشنِ صبر و وفا اپنی دیرینہ روایات کے ساتھ بین الحرمین میں منعقد ہوا، جس ہندوستان اور پاکستان سے مشہور و معروف شعراء کرام نے نذرانہ عقیدت پیش کیا۔
جشن کا آغاز تلاوت کلام الٰہی سے جناب ندیم عباس نے کیا۔
محفل میں ہندوستان کے بزرگ عالم دین مولانا شمیم الحسن صاحب قبلہ وکیل آیات عظام نے امام حسین علیہ السّلام کے انقلاب پر روشنی ڈالی۔
بعد ازاں نظم کا سلسلہ شروع ہوا اور دو کمسن مداح اہل بیت جناب حسین علی اور جناب علی جعفری سمیت شاعر اہل بیت جناب عزادار عزمی، حجت الاسلام مولانا سید ندیم نے محمد و آل محمد علیہم السّلام کی مدح سے مؤمنین اور زائرین کو محظوظ کیا۔
جشن میں آیت اللہ العظمٰی الشیخ بشیر نجفی کے فرزند حجت الاسلام والمسلمین شیخ علی نجفی نے بھی شرکت کی اور محفل سے خطاب کیا۔ انہوں نے امام حسین علیہ السّلام کی زیارت کی فضیلت اور اہمیت پر تفصیلی گفتگو کی۔
یاد رہے کہ ہندوستان اور پاکستان سے آئے ہوئے نامور شعراء کرام نے اپنے اپنے کلام سے مؤمنین کے دلوں کو منور کیا اور مؤمنین نے نیز شعراء کرام کے کلام کو سراہا۔
محفل کے آخر میں، مولانا تنویر عباس نے دعائے فرج کی تلاوت سے محفل کو اختتام تک پہنچایا۔
واضح رہے کہ محفل کی تمام تر تزئین و ترتیب حجت الاسلام مولانا سید علی ضامن جعفری نے بڑی خوش اسلوبی سے انجام دی۔
محفل کو جناب عظمت حیدر نے چتورہ یوٹیوب چینل سے براہ راست نشر کیا اور عکس برداری کا ہنر جناب معجز حسین نے دکھایا۔
