حوزہ نیوز ایجنسی کی رپورٹ کے مطابق، امامیہ اسٹوڈنٹس آرگنائزیشن پاکستان کے مرکزی صدر نے ایک وفد نے اسلامی جمہوریہ ایران کے قونصل خانے کا دورہ کیا اور آیت اللہ سید ابراہیم رئیسی اور ساتھیوں کی شہادت پر تعزیت پیش کی۔
وفد میں مرکزی صدر امامیہ اسٹوڈنٹس آرگنائزیشن پاکستان برادر حسن عارف، سابق مرکزی صدر آئی ایس او پاکستان برادر اطہر عمران، سینئر برادر افسر رضا، سینئر برادر حسنین جعفر زیدی، مرکزی جنرل سیکرٹری آئی ایس او پاکستان برادر معمر نقوی شامل تھے۔
امامیہ اسٹوڈنٹس آرگنائزیشن پاکستان کے وفد نے ایرانی صدر آیت اللہ ابراہیم رئیسی کی شہادت پر اظہار تعزیت و فاتحہ خوانی کی اور تاثرات کی کتاب پر یادگار کے طور پر تعزیتی کلمات درج کئے اور قونصلیٹ جنرل نے وفد کو شہید کی تصویر بطور تحفہ پیش کی۔
