حوزہ نیوز ایجنسی کی رپورٹ کے مطابق، اس موقع پر گفتگو کرتے ہوئے علامہ مقصود علی ڈومکی نے کہا کہ غزہ فلسطین کی بہادر قوم نے مسجد اقصٰی اور بیت المقدس کی آزادی کے لئے عظیم قربانیاں دی ہیں۔ سر زمین فلسطین اور شہید اسماعیل ہانیہ پر اسرائیلی حملہ پوری امت مسلمہ پر حملہ ہے۔ تحریک آزادی فلسطین کے ہیرو اسماعیل ہانیہ کی المناک شہادت پر پوری امت مسلمہ سوگوار ہے۔
اس موقع پر گفتگو کرتے ہوئے قبلہ سید سرفراز علی شاہ حسینی نے کہا کہ فلسطین میں جاری اسرائیلی مظالم نے پوری دنیا کے انسانوں کو سوگوار کر دیا ہے۔
انہوں نے کہا کہ اولیائے کرام کا پیغام محبت امن بھائی چارے اور انسانیت کا پیغام ہے۔
اس موقع پر گفتگو کرتے ہوئے علامہ سہیل اکبر شیرازی نے کہا کہ ضلع جھل مگسی کی سر زمین پر جنم لینے والے بزرگ قبلہ سید رکھیل شاہ حسینی اور سائیں چیزل شاہ کا امن اخوت اور انسانیت پر مبنی پیغام پورے ملک تک پہنچا، انہوں نے اپنی شاعری میں اہل بیت علیہم السّلام سے محبت اور مودت کا پیغام دیا۔
اس موقع پر علامہ مقصود علی ڈومکی نے سجادہ نشین درگاہ فتح پور شریف قبلہ سید سرفراز علی شاہ حسینی اور ان کے فرزند ارجمند سید یونس علی شاہ کو کتاب کا تحفہ پیش کیا۔
