حوزہ نیوز ایجنسی کے مطابق، ملی یکجہتی کونسل پاکستان کے مرکزی وفد نے لیاقت بلوچ صاحب کی سربراہی میں پاکستان کے شہر اسلام آباد میں ایرانی سفارتخانے کا دورہ کیا ہے۔
رپورٹ کے مطابق اسلامی تحریک پاکستان کے مرکزی نائب صدر علامہ عارف حسین واحدی بھی وفد کا حصہ تھے۔
وفد نے اپنے دورے کے دوران ایرانی سفیر محترم رضا امیری مقدم سے ملاقات کی اورلبنان میں سید مقاومت شہید سید حسن نصر اللہ اور ان کے ساتھیوں کی شہادت پر تعزیت پیش کی۔
قابل ذکر ہے کہ علامہ عارف حسین واحدی نے وہاں موجود تعزیتی کتاب میں تاثرات بھی قلمبند کئے۔
