حوزہ نیوز ایجنسی کی رپورٹ کے مطابق، آیتالله سید محمد سعیدی نے مرحوم آیتالله محفوظی (رح) کے خاندان کے افراد سے ملاقات میں کہا: "اکثر لوگ اس دنیا میں اپنی ذاتی زندگی کے لیے جیتے ہیں، لیکن ایک عالم اور مرجع تقلید عوام کے لیے زندگی گزارتا ہے، اور اسی لیے اسے مرجع کہا جاتا ہے یعنی وہ شخص جس سے لوگ رجوع کرتے ہیں۔"
انہوں نے مزید کہا کہ ایک ترقی یافتہ معاشرے کی بنیادی ضروریات میں سے ایک عالم کا وجود ہے، اور ایک عالم کی بنیادی خصوصیت عوام کے ساتھ رہنا اور ان کی مشکلات میں شامل ہونا ہے۔ لوگوں کی زندگی کے مختلف مسائل، شرعی امور اور اختلافات کے حل کے لیے علما سے رجوع کیا جاتا ہے، اور یہی چیز بعض اوقات ایک عالم کی زندگی کو مشکل بناتی ہے۔
آیتالله سعیدی نے کہا: "عام لوگوں کی کوشش ہوتی ہے کہ وہ خود کو آتش جہنم سے نجات دلا کر اپنی عاقبت سنواریں، لیکن ایک عالم کی ذمہ داری یہ ہوتی ہے کہ وہ خود، اپنے اطرافیان اور معاشرے کی عاقبت سنوارے، اسی وجہ سے علما ہمیشہ عوام کے درمیان عزت و احترام کے حامل رہے ہیں۔"
