حوزہ نیوز ایجنسی کی رپورٹ کے مطابق، سربراہ جامعةالمصطفی العالمیہ حجتالاسلام علی عباسی نے کردستان عراق کے علمائے اہل سنت کے ساتھ ملاقات میں اسرائیلی جرائم اور عالمی برادری کی خاموشی پر تنقید کی۔ انہوں نے کہا کہ صہیونی ریاست کے جرائم صرف گزشتہ ایک سال تک محدود نہیں بلکہ 75 سال سے جاری ہیں۔
انہوں نے اسلامی دنیا کی تفرقہ بازی اور علمی پسماندگی کو مسلمانوں کی کمزوری کی وجہ قرار دیا اور استعمار کی سازشوں کی تاریخ بیان کی۔ انہوں نے مزید کہا کہ صہیونی ریاست مغربی طاقتوں کا اسلام کے خلاف ایک منصوبہ ہے۔
حجتالاسلام عباسی نے اپنی گفتگو میں اقوام عالم کی طرف سے اسرائیل کے جرائم پر خاموشی کی مذمت کی اور کہا کہ صہیونی ریاست کا قیام مغربی طاقتوں کی ایک سازش تھی تاکہ مسلمانوں کو کمزور کیا جا سکے۔
انہوں نے فلسطینی عوام کی حمایت اور مغربی سامراج کے خلاف جدوجہد کی اہمیت کو اجاگر کیا۔ عباسی نے یہ بھی کہا کہ اسرائیل کے جرائم کے پیچھے 75 سالہ تاریخ ہے اور عرب ممالک کی کوششوں کو مغربی طاقتوں کی حمایت کے باعث ناکامی کا سامنا کرنا پڑا۔
انہوں نے مغربی ممالک کو اسرائیل کے جرائم میں شریک قرار دیا اور کہا کہ عالمی برادری کی خاموشی نے ان جرائم کو مزید تقویت دی ہے، اسی چیز نے اسرائیل کو جری بنا دیا ہے اور ساتھ ہی امریکہ اور اس کے اتحادیوں کی پشت پناہی کی وجہ سے آج اسرائیل دنیا کے لیے ایک بڑا خطرہ بن چکا ہے۔
