حوزہ نیوز ایجنسی کی رپورٹ کے مطابق، المصطفٰی انٹرنیشنل یونیورسٹی کے قرآن و حدیث ڈیپارٹمنٹ کے سربراہ اور مفسر قرآن حجت الاسلام والمسلمین ڈاکٹر محمد علی رضائی اصفہانی کی دعوت پر ایم ڈبلیو ایم پاکستان کے چیئرمین، حوزہ علمیہ الولایۃ اسلام آباد کے سربراہ اور سینیٹ آف پاکستان کے رکن علامہ راجہ ناصر عباس جعفری نے آج قم المقدسہ میں جامعہ المصطفیٰ کے قرآن و حدیث ڈیپارٹمنٹ کا دورہ اور پاکستان کے پی ایچ ڈی اسٹوڈنٹس سے ملاقات اور خطاب کیا۔
اس موقع پر علامہ راجہ ناصر عباس جعفری نے ڈاکٹر رضائی اصفہانی کی دینی خدمات کو زبردست الفاظ میں خراجِ تحسین پیش کیا۔
علامہ راجہ ناصر عباس جعفری نے شہید سردار قاسم سلیمانی اور مجاہد کبیر شہید سید حسن نصر اللّٰہ کے ساتھ اپنی ملاقات کے دوران یادوں کا تذکرہ کیا اور ان کے مشن کو جاری رکھنے کا اعادہ بھی کیا۔
