حوزہ نیوز ایجنسی کی رپورٹ کے مطابق، ملی یکجہتی کونسل و شیعہ علماء کونسل پاکستان کے مرکزی نائب صدر علامہ عارف حسین واحدی نے راولپنڈی میں پنجاب حکومت کی طرف سے PC Hotel میں منعقدہ قومی یکجہتی کانفرنس میں شرکت کی۔ رؤیت ہلال کمیٹی کے چیئرمین مولانا عبدالخبیر آزاد کی صدارت میں یہ کانفرنس منعقد ہوئی۔
علامہ عارف حسین واحدی نے اپنے خطاب میں قومی وحدت،اتحاد امت اور عالمی سطح پر مسلمانوں کے خلاف سازشوں کے حوالے سے تفصیلی گفتگو کرتے ہوئے کہا: قرآن ہمیں امت واحدہ، امت خیر اور امت وسط کے خوبصورت القابات سے یاد فرماتا ہے۔ کیا ہم عملی طور ایک امت ہیں یا مسلکوں اور گروہوں میں بٹی ہوئی قوم ہیں؟۔
انہوں نے مزید کہا: حق یہ ہے کہ قرآن کے وحدت امت کے آفاقی پیغام کو عملی طور پر اس طرح اجاگر کریں کہ اسلام کے سخت ترین دشمن خاص کر منحوس امریکہ اور اسرائیل سمجھ جائیں کہ یہ سب حقیقی اسلام کے نظریاتی فرزند ہیں اور آپس میں متحد ہیں۔ ہم ان کے اتحاد میں رخنہ اندازی نہیں کر سکتے۔
ملی یکجہتی کونسل و شیعہ علماء کونسل پاکستان کے مرکزی نائب نے کہا: غزہ،فلسطین ہیں۔ پوری دنیا میں فتنہ و فساد کا محور یہی تکون (امریکا،اسرائیل اور بھارت)ہے۔
علامہ عارف واحدی نے کہا: بلوچستان،سندھ اور ہر صوبے کے عوام ہمارے بھائی ہیں۔ حکومت سے مطالبہ ہے کہ مذاکرات کے ذریعے ملک میں امن و استحکام کی کوشش کامیاب ہو گی،تمام محب وطن طبقات اور عوام سے ہمارا مطالبہ ہے کہ سازشوں کا شکار نہ ہو کر اور صوبائی،علاقائی،لسانی اور مسلکی تعصبات سے بالاتر ہو کر اپنے ملک کو مستحکم کریں۔
آپ کا تبصرہ