حوزہ نیوز ایجنسی کے مطابق، سیکرٹری جنرل شیعہ علماء کونسل پاکستان میثم ملت علامہ ڈاکٹر شبیر حسن میثمی کا مسلسل دشوار راستوں سے دن رات ملت جعفریہ کے استحکام، دفاع پاکستان و تحفظ عزاداری کا سلسلہ جاری ہے۔
رپورٹ کے مطابق پنجاب بھر میں مومنین کا شاندار و تاریخی انداز میں اپنے محبوب لیڈر کا استقبال "وفائے عہد کی بے مثال داستان" ہے۔
اس ضمن میں ضلع بھکر میں ایک کانفرنس کا انعقاد کیا گیا جس میں سیکرٹری جنرل کی آمد پر اہل علاقہ، علماء کرام و تنظیمی رفقاء نے ان کا بھرپور اور شاندار استقبال کیا۔
شیعہ علماء کونسل پاکستان کے مرکزی سیکرٹری جنرل نے کہا: عزاداری سید الشہداء امام حسین علیہ السلام ہمارا شرعی فریضہ ہے۔ اس کے خلاف کوئی بھی چیز قابل برداشت نہیں، عزاداری اس ملک میں امن و امان اور بقا کی علامت ہے لہذا اس محرم الحرام 1447ھ کو بھرپور انداز میں منائیں اور عزاداری کے پیغام کو عام کریں۔
قابل ذکر ہے کہ اس کانفرنس سے مرکزی سیکرٹری اطلاعات جناب زاہد علی آخونزادہ نے بھی خطاب کیا۔ اس موقع پر مولانا فیاض حسین مطہری، مولانا امداد علی گھلو و دیگر رفقاء بھی موجود تھے۔
آپ کا تبصرہ