حوزہ نیوز ایجنسی کی رپورٹ کے مطابق، جموں و کشمیر انجمنِ شرعی شیعیان کے زیرِ اہتمام وادی کشمیر کے طول و عرض میں نمازِ عیدالاضحیٰ کے روح پرور اجتماعات منعقد ہوئے، ان اجتماعات میں ہزاروں فرزندانِ توحید نے شرکت کی اور اللہ کے حضور سجدہ ریز ہوکر شکر و سپاس ادا کیا۔
اس موقع پر سب سے بڑا اجتماع مرکزی امام باڑہ بڈگام میں منعقد ہوا، جہاں نماز انجمنِ شرعی شیعیان کے صدر حجۃ الاسلام والمسلمین آغا سید حسن الموسوی الصفوی کی اقتداء میں ادا کی گئی۔
قدیمی امام باڑہ حسن آباد سرینگر میں نمازِ عید کی امامت حجۃ الاسلام آغا سید مجتبیٰ عباس الموسوی الصفوی نے کی۔
اس موقع پر آغا سید حسن الموسوی الصفوی نے تمام فرزندانِ توحید کو عید کی مبارکباد پیش کی اور عیدالاضحیٰ کے فلسفے پر روشنی ڈالی۔
انہوں نے اپنے خطاب میں کہا کہ اس عید کے موقع پر فلسطینی عوام نے سچی عید منائی ہے جنہوں نے بے شمار قربانیوں کے باوجود اللہ کی تسبیح و تمجید میں کوئی کمی نہیں آنے دی۔
انہوں نے خطبۂ نمازِ عید الاضحیٰ میں کہا کہ تمام عالم اسلام کو غزہ کی آزادی کے لیے دعا کرنی چاہیے۔
دیگر اہم مقامات جہاں عید کے اجتماعات منعقد ہوئے جن میں خانقاہ میر شمس الدین اراکیؒ جڈی بل سرینگر،جامع مسجد آبی گزرسرینگر،امام باڑہ گامدوسوناواری بانڈی پورہ ،امام باڑہ ڈب گاندر بل ،جامع مسجد وکھرون پلوامہ ،امام باڑہ صوفی پورہ پہلگام اننت نا گ ،مسجد آلِ عباوتر گام بارہمولہ ،امام باڑہ یاگی پورہ ماگام ،آستان شریف میر شمس الدین اراکیؒچاڈورہ ،جامع مسجدسونہ پاہ ،جامع مسجداسکندر پورہ بیروہ،امام باڑہ چھتر گام ،امام باڑہ سوٹھ کٹر باغ چاڈورہ ،جامع مسجد نوگا م سمبل بانڈی پورہ ،امام باڑہ بونہ محلہ اندرکوٹ سمبل بانڈی پورہ ،جامع مسجد موسوی پارک اندر کوٹ، امام باڑہ ذال پورہ سوناواری ،امام باڑہ ایچھ ہامہ بیروہ ،امام باڑہ چاکر پورہ بٹ پورہ کھاگ ،مسجد شریف اتنہ بیروہ ،امام بارگاہ پنچھ گنڈبیروہ ،امام باڑہ کمل کوٹ، اوڑی بارہ مولہ ،جامع مسجد شریف گریند کلان ، مسجد امام سجادؑہردووامنہ ،امام باڑہ وانہامہ وغیرہ شامل ہیں۔
آپ کا تبصرہ