حوزہ نیوز ایجنسی کے مطابق، سیکرٹری جنرل شیعہ علماء کونسل پاکستان علامہ شبیر حسن میثمی نے یوم معلم پر جاری اپنے پیغام میں کہا: استاد کا پیشہ محض روزگار نہیں بلکہ ایک مقدس ذمہ داری ہے، جس سے معاشروں کی بنیادیں مضبوط اور روشن مستقبل کی ضمانت بنتی ہیں۔
انہوں نے مزید کہا: اساتذہ کو علم و شعور کے چراغ روشن کر کے نئی نسلوں کی فکری و اخلاقی تربیت اور قومی تعمیر میں بنیادی کردار ادا کرنا چاہیے۔
علامہ شبید میثمی نے کہا: اساتذہ کرام قوم کے محسن اور معمار ہوتے ہیں مگر افسوس کہ وہ آج بھی کم تنخواہوں، تربیتی سہولیات کی کمی اور سروس اسٹرکچر جیسے مسائل سے دوچار ہیں۔ حکومتِ پاکستان اور نجی تعلیمی اداروں کے ذمہ داران کو چاہیئے کہ اساتذہ کے جائز مسائل کا حل ترجیحی بنیادوں پر یقینی بنائیں تاکہ وہ وقار و اطمینان کے ساتھ اپنی تعلیمی و اخلاقی خدمات جاری رکھ سکیں۔
آپ کا تبصرہ