حوزہ نیوز ایجنسی کی رپورٹ کے مطابق، اسلامی جمہوریہ ایران کی قومی اسمبلی کے اسپیکر سے ملاقات میں پاکستانی سینیٹ کے چیئرمین یوسف رضا گیلانی نے کہا ہے کہ اسرائیل کے جارحانہ حملوں پر ایران کے دندان شکن جواب نے عالمی برادری کو حیران کردیا۔
واضح رہے ڈاکٹر قالیباف نے اپنے دورۂ پاکستان کے دوران، ایوان صدر میں پاکستانی قائم مقام صدر یوسف رضا گیلانی سے بھی ملاقات اور مختلف امور پر تبادلہ خیال کیا ہے۔
ملاقات میں ایرانی پارلیمنٹ کے اسپیکر محمد باقر قالیباف نے کہا کہ 12 روزہ جنگ میں ایران کی عسکری قوت نے صہیونی حکومت کو غیر معمولی دھچکا پہنچایا اور یہ اسلام اور امت مسلمہ کی طاقت کا مظہر تھا۔
انہوں نے کہا کہ اسرائیلی جارحیت اس وقت ہوئی جب ایران ایٹمی مذاکرات میں مصروف تھا، جن کی پر امن نوعیت بارہا ثابت ہوچکی تھی۔
ایرانی اسپیکر نے کہا کہ صہیونی حکومت نے مذاکرات کے دوران اور براہ راست امریکی حمایت سے ایران پر حملہ کیا؛ یہ حملہ تمام اقوام کے لیے ایک گہرا سبق ہے۔ اس واقعے نے اسرائیلی حکومت اور امریکہ دونوں کی دوغلا پالیسیوں کو بے نقاب کردیا۔
ملاقات کے دوران پاکستانی سینیٹ کے چیئرمین اور قائم مقام صدر یوسف رضا گیلانی نے اسلامی جمہوریہ ایران پر حملے کی مذمت کرتے ہوئے کہا کہ ایران کے جرات مندانہ جواب نے عالمی برادری کو حیران کردیا ہے۔
آپ کا تبصرہ