حوزہ نیوز ایجنسی کی رپورٹ کے مطابق، بولان بلوچستان پاکستان میں شہدائے چھلگری بولان کی دسویں برسی کے موقع پر ایک عظیم الشان اجتماع منعقد ہوا؛ جس میں علمائے کرام، مؤمنین اور مؤمنات نے بڑی تعداد میں شرکت کی اور شہداء کو خراجِ تحسین پیش کیا۔
اس موقع پر مجلسِ علمائے مکتبِ اہل بیت علیہم السّلام بلوچستان کے صوبائی صدر علامہ ذوالفقار علی سعیدی اور صوبائی سیکریٹری تبلیغات مولانا علی نواز عرفانی نے شہید اور شہادت کے موضوع پر خطاب کیا۔
علامہ ذوالفقار علی سعیدی نے اپنے خطاب میں کہا کہ شہادت عشقِ خدا کی انتہاء اور بندگی کی معراج ہے۔
انہوں نے مزید کہا کہ شہداء اپنے خون سے ملت کے ضمیر کو بیدار کرتے ہیں اور ان کی قربانیاں قوموں کو زندہ رکھتی ہیں۔
انہوں نے کہا کہ شہدائے چھلگری نے اپنے خون سے وفاداری، بصیرت اور استقامت کا درس دیا۔ آج ہماری ذمہ داری ہے کہ ہم اُن کے مشن کو زندہ رکھیں اور ان کے مقصد کو عملی جامہ پہنائیں۔
آپ کا تبصرہ