حوزہ نیوز ایجنسی کی رپورٹ کے مطابق، اجلاس وزیرِ امور کشمیر و گلگت بلتستان کے دفتر میں ہو گا؛ اجلاس میں وفاقی وزیر امور کشمیر و گلگت بلتستان انجنیئر امیر مقام، وزیر اعلیٰ گلگت بلتستان حاجی گلبرخان اور اپوزیشن لیڈر گلگت بلتستان اسمبلی محمد کاظم میثم شریک ہوں گے۔ تینوں اہم شخصیات نگراں وزیر اعلیٰ کی تقرری کے لیے مشاورت کریں گی۔اجلاس میں شرکت کے لیے اپوزیشن لیڈر کاظم میثم اسلام آباد پہنچ گئے ہیں۔
تینوں شخصیات خصوصی طور پر اجلاس میں شریک ہوں گی؛ اسلام آباد میں شرکت نہ کر پانے کی صورت میں ویڈیو لنک کے ذریعے تینوں شخصیات کو اجلاس میں شرکت کرنا ہوگی۔ رپورٹ کے مطابق، اجلاس کے انعقاد کے لیے سرکاری لیٹر جاری کر دیا گیا۔
یاد رہے کہ گلگت بلتستان کی صوبائی اسمبلی کی مدت 25 نومبر کو ختم ہو رہی ہے؛ اسمبلی کی مدت ختم ہونے سے قبل، نگراں وزیر اعلیٰ کی تقرری ضروری ہے۔ یہ بات بھی قابلِ ذکر ہے کہ وفاقی وزیر، وزیر اعلیٰ اور اپوزیشن لیڈر میں تاحال نگراں وزیر اعلیٰ کے لیے کسی نام پر اتفاق نہیں ہوا ہے۔
آپ کا تبصرہ