حوزہ نیوز ایجنسی کی رپورٹ کے مطابق، گلگت بلتستان کے 78 ویں یومِ آزادی کی مناسبت سے آج جی بی کے تمام اضلاع میں جشنِ آزادی کی تقاریب منعقد ہوں گی، جبکہ آج خطے بھر میں عام تعطیل ہے۔
جشنِ آزادی کی مرکزی تقریب چنار باغ گلگت میں یادگار شہداء پر منعقد ہو گی۔ ہیلی پیڈ چوک جوٹیال پر بھی خصوصی تقریب ہو گی، جس میں صدر مملکت آصف علی زرداری خصوصی شریک ہوں گے۔
تفصیلات کے مطابق، گلگت بلتستان کا 78 واں یومِ آزادی آج جوش و جذبے کے ساتھ منایا جا رہا ہے۔
گلگت میں اتحاد چوک پر عوامی ایکشن کمیٹی نے آج سہ پہر دو بجے جلسہ عام کا بھی اعلان کر رکھا ہے جس میں گلگت بلتستان کی محرومیوں اور زیادتیوں پر خصوصی گفتگو ہو گی۔
یاد رہے کہ یکم نومبر 1947ء کو گلگت بلتستان کے عوام نے اپنی مدد آپ کے تحت ڈوگرہ راج سے آزادی حاصل کی تھی۔
یکم نومبر کو گلگت کا خطہ آزاد ہوا تھا، جبکہ 14 اگست 1948ء کو بلتستان کے عوام نے بھی ڈوگروں کو مار بھگا کر آزادی حاصل کی تھی۔
آپ کا تبصرہ