حوزہ نیوز ایجنسی کی رپورٹ کے مطابق، جعفر طیار لائبریری کراچی پاکستان کے تحت لائبریری کے محمد علی جناح ہال میں دوسرے باقر العلوم ایوارڈز کی پہلی تقریب منعقد ہوئی؛ جس میں علمائے کرام اور طلبہ و طالبات نے بھرپور شرکت کی۔
باقر العلوم ایوارڈز کی پہلی تقریب میں یونین کونسل جعفر طیار کے ان 154 طلباء و طالبات میں ایوارڈز تقسیم کیے گئے جنہوں نے سال 2025 میں نویں و دسویں کلاسز میں اے ون گریڈ حاصل کیا۔
اس پروگرام کے مہمانانِ خصوصی حجت الاسلام مولانا شیخ غلام محمد سلیم اور مولانا اصغر شہیدی تھے، جبکہ پروگرام میں پروفیسر اقبال شاہ حماد، پروفیسر آصف نقوی، پروفیسر جوہر عباس، پروفیسر بابر عسکری، پروفیسر فرح بتول، پروفیسر نقی، پروفیسر ڈاکٹر نوازش، ڈاکٹر سید زوار حسین، ڈاکٹر خورشید حسنین، جناب باقر زیدی، پروفیسر جعفر، پروفیسر یاور عباس صاحب، پروفیسر سلمان نقوی صاحب، پروفیسر محمد ظفر صاحب، پروفیسر سبطین علی صاحب اور جناب معراج صاحب نے خصوصی شرکت کی اور طلبہ و طالبات میں ایوارڈز تقسیم کیے۔
پروگرام کے آخر میں جعفر طیار لائبریری کے سربراہ مولانا ڈاکٹر نسیم حیدر زیدی نے اختتامی کلمات ادا کیے اور مہمانانِ خصوصی حجت الاسلام مولانا شیخ غلام محمد سلیم اور مولانا اصغر شہیدی نے خصوصی خطاب کیا اور طلباء کی حوصلہ افزائی کی۔
باقر العلوم ایوارڈز کی دوسری تقریب میں انٹرمیڈیٹ اور ڈگری کلاسز پر مشتمل ہوگی، جس میں طلباء میں ایوارڈز اور اسکالرشپس دی جائیں گی۔
آپ کا تبصرہ