۱۰ فروردین ۱۴۰۳ |۱۹ رمضان ۱۴۴۵ | Mar 29, 2024
حجت الاسلام مسعود انصاری البرز

حوزہ/ حجت الاسلام انصاری نے کہا: "اگر دنیا کے تمام مسلمان اپنے حقیقی دشمنوں کی فطرت کو جان جائیں تو وہ حق کی راہ میں شہادت کو ایک اعزاز سمجھیں گے۔

حوزہ نیوز ایجنسی کی رپورٹ کے مطابق،قزوین/ حجت الاسلام مسعود انصاری نے صوبہ البرز کے علماء اور جہادی طلاب کے ساتھ ایک ملاقات میں امام حسین (ع) کے شہداء کے سوگ کی تعزیت پیش کرتے ہوئے کہا: محرم ! مذہبی، بیداری اور آزادی کا میدان ہے۔

البرز صوبہ کے سروس سینٹر کے ڈائریکٹر جنرل نے بیان کیا: کربلا کی کہانی عظمت ، ہمت ، راستبازی ، حق پرستی اور تمام انسانی خوبیوں اور مکارم اخلاق کی نمائشگاہ ہے جو شہداء اور ان کے عقیدت مندوں کے سرور و شادابی میں بخوبی دیکھا جا سکتا ہے، جنہوں نے مشکل ترین حالات میں بھی اس سے روگردانی نہیں کی۔

حق اور باطل کے درمیان مسلسل محاذ آرائی کا حوالہ دیتے ہوئے انہوں نے کہا: "موجودہ وقت میں صہیونیت باطل راستے پر گامزن ہے اور دنیا پر غلبہ حاصل کرنے کی کوشش کر رہی ہے، اور مسلمانوں کا فرض ہے کہ وہ اس غاصب اور بچوں کو قتل کرنے والی حکومت کے خلاف اٹھ کھڑے ہوں۔"

البرز صوبہ کے مرکز خدمات کے ڈائریکٹر جنرل نے مزید کہا کہ: دنیا کے آزاد مسلمان اور جو لوگ امام حسین (ع) کے جھنڈے تلے جمع ہوئے ہیں ان کا فرض ہے کہ وہ بیداری کے ساتھ صیہونی حکومت کے مد مقابل کھڑے ہوں۔


حجت الاسلام انصاری نے کہا: "اگر دنیا کے تمام مسلمان اپنے حقیقی دشمنوں کی فطرت کو جان جائیں تو وہ حق کی راہ میں شہادت کو ایک اعزاز سمجھیں گے اور اس کا دلیرانہ طور پر استقبال کریں گے کیونکہ دشمن شناسی عاشورہ کا سب سے اہم سبق ہے۔"

لیبلز

تبصرہ ارسال

You are replying to: .