۱۰ فروردین ۱۴۰۳ |۱۹ رمضان ۱۴۴۵ | Mar 29, 2024
آیت اللہ حافظ ریاض نجفی

حوزہ/ سربراہ وفاق المدارس شیعہ پاکستان نے خطبہ نماز جمعہ میں بیان کرتے ہوئے کہا کہ نماز کا مطلب ہر روز اللہ کو سلام کرنا ہے، مومن کی علامت اللہ کے ساتھ شدید ترین محبت ہے، توحید کے بعد پہلا حکم نماز کا دیا گیا ، نماز اللہ کا ذکر ہے۔

حوزہ نیوز ایجنسی کی رپورٹ کے مطابق،لاہور/ وفاق المدارس الشیعہ پاکستان کے صدر آیت اللہ حافظ ریاض حسین نجفی نے کہا ہے کہ توحید اصل دین ہے ،توحید ہی احساس دین اور توحید ہی بنیاددین ہے۔ مومن کی علامت اللہ کے ساتھ شدید ترین محبت ہے۔ توحید کے بعد پہلا حکم نماز کا دیا گیا ۔ نماز اللہ کا ذکر ہے ، نماز کا مطلب ہر روز اللہ کو سلام کرنا ہے ، نماز کا مطلب اللہ کی بندگی کرنا ہے ۔پورا قرآن مجید سورہ فاتحہ میں ہے ۔ ہمیں اس میں درس دیا جا رہا ہے جو کام کرو اللہ کے نام پر کرو ۔ صدقہ دیتے ہو اللہ کے نام پر کرو ۔ زکوٰة خمس دیتے ہو قربة الی اللہ ، مسجد میں جاتے ہو قربة الی اللہ تاکہ اللہ کا قرب حاصل کر سکو ۔علی مسجد جامعة المنتظر میں خطبہ جمعہ دیتے ہوئے حافظ ریاض نجفی نے کہا حکم دیا گیا ہے کہ حضرت امام جعفر صادق علیہ السلام فرماتے ہیں زندگی گزارنے کا ڈھنگ کیا ہے ،اگر زندہ رہنا چاہتے ہو تو کیا کرنا ہے ” سچ کو اپناﺅ“حضوراکرم نے 40 سال برابر صادق و امین کے لقب سے یاد کیے جاتے تھے گویا صداقت اور امانت اسلام کی جان ہے ۔

انہوں نے کہا خالق کائنات کا ارشاد ہو رہا ہے کہ اس کائنات میں کچھ بھی نہیں تھا ہم نے پہلے بنیادی چیزیں پیدا کیں اور اس کے بعد حضرت انسان کو پیدا کیا ۔اس کائنات میں کچھ بھی نہیں رہے گا لیکن اللہ تبارک وتعالیٰ کی ذات باقی رہے گی ۔ بابرکت ہے رب کی ذات جس نے ہمیشہ رہنا ہے ۔ رسول اکرم صلی اللہ علیہ وآلہ وسلم پر جب وحی کا نزول ہونا شروع ہوا تو فرمایا آپ پڑھیں رب کے نام سے جس نے انسان کو پیدا کیا ہے اور جمے ہوئے خون سے پیدا کیا ۔ رب کے نام سے پڑھیں وہ رب بہت کریم ہے جب نے انسان کو قلم کی تعلیم دی اور جس جس چیز کو انسان نہیں جانتا تھا اس چیز کا انہیں علم دیا ۔

ان کا کہنا تھا کہ ہر نماز کے بعد دعا پڑھیں ۔ صبح کی نماز کے بعد سورہ یٰسین پڑھو ۔ سورہ یٰسین میں رسالت مآب کا ذکر ہے اے میرے سید و سرادر کہا جا رہا ہے ہم نے قرآن مجید آپ پر نازل کیا ہے ۔ایک مومنہ کا ذکر کیا گیا ہے کہ وہ غلط کار آدمی کے گھر میں رہتی تھی ۔ آسیہ زوجہ فرعون اس پر ظلم کیا گیا ہے جب اس کی موت واقع ہوئی تو کہنے لگی لوگو ! تمہیں پتہ ہونا چاہیے کہ اللہ نے مجھے بخش دیا ہے اور معززین کی صف میں مجھے شامل کیا ہے پھر اللہ اپنی نعمتیں بیان کر رہا ہے کہ دیکھو کس طرح ہم دن کو رات بناتے ہیں رات کو دن بناتے ہیں کس طرح ہم نے آپ کے لیے پانی پیدا کیا نہریں تمہارے لیے پیدا کیں ۔بارش ہم برساتے ہیں پھر بتایا کہ افلاک کس طرح تَیر رہے ہیں اسی افلاک کو دیکھ کر لوگ مسلمان ہوجاتے ہیں ۔ پھر بتایا قیامت بھی آئے گی سور پھونکا جائے گا۔سب قبروں سے نکل کر باہر آجائیں گے ۔پھر آخر میں اللہ فرماتا ہے جس نے آپ لوگوں کو پیدا کیا ہے جب خاکستر ہو جائیں گے دوبارہ پیدا نہیں کر سکتا ہے ۔ تو سورہ یٰسین ہمارے لیے تبلیغ ہے ہمارے لیے نصیحت ہے ۔جب ظہر کی نماز پڑھتے ہیں تب حکم ہوا ہے سورہ نباءپڑھیں ، نماز عصر کے بعد کہا گیا ہے سورہ العصر پڑھیں ، مغرب کے بعد سورہ واقعہ پڑھیں ۔ سورہ واقعہ میں قیامت کا تذکرہ ہے ۔ عشاء کی نماز کے بعد سورہ ملک پڑھیں۔ ۔

لیبلز

تبصرہ ارسال

You are replying to: .