حوزہ نیوز ایجنسی کی رپورٹ کے مطابق،لکھنؤ/ مجلس علمائےہند کے جنرل سکریٹری امام جمعہ مولانا سید کلب جواد نقوی نےآیت اللہ العظمیٰ سید علوی گرگانی کے انتقال پر تعزیت و تسلیت پیش کی ۔

تعزیت نامہ کا متن حسب ذیل ہے:

اناللہ واناالیہ راجعون

اذا مات العالم ثلم فی الاسلام ثلمة لا سیدا شی

آیت اللہ العظمیٰ علوی گرگانی کے انتقال پر ملال کی خبر سے دلی صدمہ ہوا، آپ کی رحلت سے جہان تشیع کابڑا نقصان ہوا ہے۔آپ نے علوم و معارف اہلبیت علیہم السلام کی ترویج اور اہل علم کی خدمت و تربیت اور مومنین کی مدد میں اپنی عمر شریف کا بڑا حصہ گزارا ہے حقیقت یہ ہے کہ آپ نے دین اسلام اور مذحب حق کی بے لوث خدمت انجام دی ہےـ۔ جو قابل قدر ولائق ستائش ہےـ۔

مرجع عالی قدرآیت اللہ العظمیٰ سید علوی گرگانی کے سانحہ ارتحال پر ہم امام عصر عجل اللہ تعالیٰ فرجہ الشریف،مقام معظم رہبری ،علمائے کرام ،طلاب ذوی الاحترام ،حوزہ ھای علمیہ،ان کے مقلدین اوران کے اہل خانہ کی خدمت میں تعزیت و تسلیت پیش کرتے ہیں ۔یقیناً ان کی رحلت عالم اسلام کا ناقابل تلافی خسارہ ہے۔دعا ہے کہ خدائے متعال فقیہ مرحوم کےدرجات بلند فرمائے اور ان کے اہل خانہ کو صبر جمیل عطا فرمائے۔ آمین