حوزہ نیوز ایجنسی کی رپورٹ کے مطابق، لکھنؤ ہندوستان؛ شیعہ شاہی جامع مسجد کے روح رواں جناب سید رضوان حیدر نقوی ریٹائرڈ ڈی ایس پی کی وفات پر مؤمنین جامع مسجد کی جانب سے نمازِ مغربین کے بعد ایک تعزیتی ریفرنس اور مجلسِ عزاء کا انعقاد کیا گیا، جس میں علمائے کرام سمیت مؤمنین کی کثیر تعداد نے شرکت کی۔
تعزیتی اجلاس کا آغاز قرآن خوانی سے ہوا، جس کے بعد جناب عباس نگار، جناب وفا عباس چیئرمین عنبر فاؤنڈیشن لکھنو، جناب رضا امام، جناب علی آغا، جناب افسر جاہ، مولانا واثق رضا نقوی، مولانا سید محمد عارف رضوی، مولانا سید حیدر عباس رضوی، مولانا سید جاوید مصطفوی، مولانا اختر عباس جون، مولانا سید محمد حسنین باقری، مولانا سید علی ہاشم عابدی، مولانا سید وصی رضا عابدی اور مولانا سید رضا حسین نے تقاریر کیں۔
مقررین نے مرحوم سید رضوان حیدر نقوی کی شخصیت اور کارناموں کے مختلف گوشوں کو بیان کیا۔
آخر میں حجۃ الاسلام والمسلمین مولانا سید صفی حیدر صاحب سکریٹری تنظیم المکاتب نے مجلس عزاء سے خطاب فرمایا۔
مولانا سید صفی حیدر نے یہ بتاتے ہوئے کہ ہر نیک عمل پر اجر جنت میں ملے گا اور اس کا نتیجہ دنیا میں ملتا ہے، کہا کہ نیک کاموں میں ہمارا مقصد صرف دنیا کا نتیجہ نہیں ہونا چاہیے، بلکہ رضوان الہیٰ کا حصول ہونا چاہیے، کیونکہ جسے رضوان الہیٰ حاصل ہو جائے اسے جنت بھی ملے گی اور دیگر تمام نعمتیں بھی حاصل ہوں گی۔
پروگرام کی نظامت کے فرائض جناب سید شاہکار زیدی نے انجام دئیے۔
اس تعزیتی اجلاس اور مجلسِ عزاء میں کثیر تعداد میں علماء اور مؤمنین نے شرکت کی۔
آپ کا تبصرہ