شہید رئیسی کی زندگی کا شعار؛ دنیا سے بے نیازی اور مظلوم کی حمایت رہا ہے

تحریر: ڈاکٹر شجاعت حسین

حوزہ نیوز ایجنسی| آج پوری دنیا میں صدر اسلامی جمہوریہ ایران، سید ابراہیم رئیسی طاب ثراہ کی پہلی برسی بڑے رنج و غم سے منائی جا رہی ہے۔ آپ جس میں سفر کر رہے تھے اس ہیلی کاپٹر کا موسم کی خرابی کی وجہ سے کریش ہوا یا صہیونی حکومت کی سازش، یہ تو ایرانی اعلیٰ فوجی اہلکار اور ماہرین تفتیش کا ذمہ ہے کہ وہ اپنی علمی صلاحیت اور تکنیکی تجربوں سے معلوم کریں کہ آخر کیا ہے؟ سازش یا سانحہ؟ سید ابراہیم رئیسی کے ہیلی کاپٹر کو اس نظریے سے تاریخ کے اوراق میں تلاش کرنا ہوگا۔

20 مئی بروز سہ شنبہ 2024 کے نو شہدائے خدمت نے موت کے حوالے سے مذکورہ بالا فرمودات پڑھا، سنا اور اس کو گلے لگانے کے عمل میں کوشاں رہنا، تمنا کرنا، مقدسات اہلبیت علیہم السلام پر دعائیں مانگتے رہنا اور اس کو عملی شکل دینے کے لئے ہمیشہ منہمک و متحرک رہنا اس بات کی دلیل ہے کہ انھیں زرد موت میسر ہو، شہادت نصیب ہو۔ یقیناً ان شہدائے کربلا کی آواز، تمنائیں اور پیغام سدا کانوں میں گونجتی رہی ہوں گی۔ عالمی سطح پر طوفان ستم میں وہ پرچم جو کبھی حضرت حمزہؑ، حضرت علیؑ اور کبھی حضرت عباس علمدارؑ کے ہاتھ میں رہا، ہندہ لعنت اللہ نے حضرت حمزہؑ کا جگر چبایا، عبد الرحمن بن ملجم لعنتہ اللہ نے 19 رمضان المبارک کی فجر کی پہلی رکعت کے پہلے سجدے میں ضربت لگائی اور حضرت عباس علمدارؑ کے 10 محرم، عصر عاشور دونوں بازو قلم ہوئے، لہٰذا ایمان، اسلام، انسان اور خوشنودی الٰہی کے لیے عزم مستحکم کے ساتھ خدمت شہداء نے باطل قوتوں پر حق و انسانیت کا پرچم بلند کرنے کے لئے کبھی تھکن محسوس نہیں کیا۔

یاد رہے کہ 20 مئی کو آذربائیجان کی سرحد پر ڈیم کی افتتاحی تقریب سے واپس آتے ہوئے موسم کی خرابی کے باعث ہیلی کاپٹر گر کر تباہ ہو گیا جس کے نتیجے میں صدر جمہوریہ اسلام ایران آیت اللہ سید ابراہیم رئیسی، امام جمعہ تبریز آیت اللہ سید محمد آل ہاشم، وزیر خارجہ ڈاکٹر حسین امیر عبد اللہیان، مشرکی آذربائیجان کے گورنر (تبریز) آقائ مالک رحمتی، صدر کے یونٹ کے کمانڈر سردار سید مہدی موسوی، باڈی گارڈ، ہیلی کاپٹر کے پائلٹ اور کو پائلٹ سوار تھے۔ ایرانی حکام نے 20 مئی کی صبح ایرانی صدر، وزیر خارجہ سمیت دیگر کی شہادت کی تصدیق کی تھی۔ ہیلی کاپٹر پر 9 افراد سوار تھے۔
شہادتٍ صدر و وزیر خارجہ سے عام و خواص کے ذہنوں میں سوال تھا کہ کیا ایران ان لوگوں کی عدم موجودگی میں ترقی کی راہ و سیاسی میدان میں اپنی گرفت بناۓ رکھے گا؟ اس فقدان و پریشانی کے حل کو تلاش کرنا شروع کیا تو زیادہ ماضی میں جانے کی ضرورت نہیں پڑی۔ صدر رئیسی اور وزیر خارجہ ڈاکٹر عبد اللہیان کی شہادت کے حوالے سے دریافت کیا کہ کیا ایران کی اندرونی معاملات و حالات یا خارجہ پالیسی، سفارت کاری و رشتہ استوار کرنے میں دشواری کا سامنا کرنا پڑے گا تو اوراق کی گردانی جیسے 3 جنوری 2020 عیسوی بروز جمعہ بغداد کے بین الاقوامی ہوائی اڈے کے قریب امریکی ڈرون نے حملہ کر جنرل قاسم سلیمانی اور ان کے ہمراہ عراقی ملیشیا کے کمانڈر، ابو مہدی المہندس، حشد الشعابی شہید ہوئے تھے تو یہ سوال پیدا ہوا تھا کہ اب کیا ہوگا، لیکن الحمدللہ، ایران میں لاکھوں قاسم سلیمانی پیدا ہوئے۔

اسی طرح ان شاءاللہ ایران اور بھی زیادہ مضبوط ہوکر ابھرے گا۔ اسلام ، انسانیت، مساوات، ہم آہنگی اور امن کا پرچم بلند ہو کر رہے گا۔ ماشاء اللہ اسلامی جمہوریہ ایران مضبوطی و استحکام کی راہ پر گامزن رہے گا۔ دشمنان ایران، اسلام و انسان کو دندان شکن جواب دے رہا ہے۔ وقار بلند ہوا۔
صدر سید ابراہیم رئیسی کی 64 سالہ زندگی ایک ایسا سبق ہے جو حوزہ میں طلباء و طالبات، مومنین و مومنات، علماء کرام و ذاکرین، سامعین و ناظرین، اعلٰی عہداداران و سیاستدانوں کے لیے قابل مطالعہ اور اتباع ہے۔ جب محض پانچ سال کے تھے تب ہی عطوفت پدری سے محروم ہوگئے۔ آپ کے سامنے اپنی تعلیم، مستقبل، والدہ ماجدہ اور امور خانہ کی ذمہ داریاں۔ شب و روز کی محنت اور مشقت، حضرت اکبر علیہ السلام کے سن میں حضرت امام خمینی رحمۃ اللّٰہ علیہ کی رہنمائی میں انقلاب اسلامی، ایران میں پیش پیش رہے، عراق کی جانب سے مسلط کردہ جنگ میں بھی فوج میں شامل ہوکر ملک کی حفاظت کی، چھوٹے اور معمولی عہدے سے گزرتے ہوئے خادم روضہ حضرت امام علی رضا اور اس سے منسلک کمپنیوں کی نگرانی کی، ملک کے چیف جسٹس مقرر ہوئے اور ابھی وہ ملک کے صدر تھے۔ آپ نے کبھی اعلٰی عہدہ حاصل کرنے کی کوشش نہیں کی اور نہ تمنائی رہے۔ آپ کی قابلیت ان عہدوں کے حقدار بنایا۔
شہید رئیسی ایک ایسی شخصیت کے حامل تھے جو اخلاقی فضائل و کمالات کے اعلٰی مجسمہ تھے۔ آپ کی حیات اور کارناموں کو آئینہ حضرت امام علیؑ ابن ابی طالب علیہ السلام میں دیکھنا ہوگا۔ حضرت علیؑ کو اللہ پاک اور تاجدار انبیاء ﷺ نے پہچانا۔ اب جس میں جتنی بصیرت ہوگی اتنا ہی رئیسی طاب ثراہ کو پہچان پائے گا۔ اب قارئین کرام کو آپ کو دیکھنا ہے تو دنیا کی نگاہ میں، کسب حلال کی جدوجہد، اخلاق، علمی حیثیت، زہد و تقویٰ، اصابت رائے، سیاست، حلم، صداقت، عدل، صبر، شکر، تعمیری و تشکیلی کام، اور قابل ذکر ہے کہ سید رئیسی خود چھٹیوں میں بھی بعض علاقوں میں جاکر کام کے انجام دہی کا معائنہ کرنا یا ضرورتمندوں کی حاجت روائی کرنا۔ سادگی، عاجزی، علم، دانش و ادراک کے اعلٰی نمونہ تھے۔
آپ کی دنیا سے بے نیازی اور مظلوم کی حمایت شعار زندگی تھی۔ برسی منانے کا مطلب یہ ہے کہ ہمیں اپنے شہیدوں کی یاد تازہ رکھنی چاہیے خاص طور پر انھیں جو عوام کی خدمت ، عدل، انصاف کے قیام کی راہ میں شہید ہوۓ۔

اسلامی جمہوریہ ایران کے صدر ڈاکٹر مسعود پزشکیان مشہد میں صدر رںْیسی کی والدہ ماجدہ کے گھر جانے کا ذکر کرتے ہوۓ فرماتے ہیں کہ ان کا گھر نہایت سادہ تھا، بلکہ عام لوگوں کے مکان سے بھی کم تر۔ اسی طرح جب عم ن کے وزیر خارجہ نے شہید امیر عبداللہیان کے گھر کا دورہ کیا تو مہمان وزیر خارجہ حیرت کا اظہار کیا کہ یہ ایران کے وزیر خارجہ کا مکان ہے۔ اس سے سبق ملتا ہے کہ حکام، علماء کرام، ذاکرین و خطباء کا مکان سادہ اور عوامی ہونے چاہیے۔
شہادت اہلبیت علیہم السلام اور ان کے ماننے اور چاہنے والوں کے لیے وراثت اور ہدایت کا سرچشمہ ہے۔ وہ موت سے مایوس نہیں ہوتے۔ عدل، حق، انصاف، انسانیت، ترقی، ہمدردی، محبت، مساوات، حقوق، امن و سکوں کا طاغوتی طاقت ہمیشہ سے دشمن رہا ہے۔ آغاز اسلام سے جنگیں ہوئیں اور قربانیاں پیش کی گئیں۔ تاریخ گواہ ہے اور آج چشم دید گواہ ہیں۔ کیا قربانیاں پیش کرنا بند ہو گئیں یا رک سکتی ہے؟ قطعی نہیں۔ قربان ہونے کے لئے آمادہ رہنا ہوگا، اگر ایمان، انصاف، انسانیت اور امن کے پیغام کا پرچم بلند کرنا ہے۔ اسلام کے آغاز و فروغ کے دوران نقاب کشائی کی گئی تو ابو لہب، ابو جہل، سفیان، معاویہ، یزید، اس کے پہلے نمرود، فرعون اور شداد

ایران کا نام آۓ گا تو شیطان بزرگ کا نام بھی آۓ گا۔ 1979 میں امام خمینی رحہ نے عالم انسان اور اسلام کو پہچان بتا دیا "شیطان بزرگ اور اس کی ناجائز اولاد" اور اس کے خاتمہ کا راستہ بتایا، صرف ایک بالٹی پانی، حسن نصراللہ دام ظلہ الوارف نے اسے مکڑی کے جالے سے بھی کمزور قرار دیا اور رہبر معظم آیت اللہ العظمٰی سید علی خامنہ ای رضوان اللہ عنہم اجمعین نے اس کی نابودی 25 برس کے دوران طے شدہ قرار دیا۔

ایک اہم بات کا تذکرہ لازمی ہے۔ اسلام نے جتنی جنگیں لڑیں وہ مکہ مکرمہ اور مدینہ منورہ کے ارد گرد رہیں۔ اس وقت کفار، مشرکین، منافقین اور مخالفین حجاز میں تھے آج بھی اسلام کے لباس میں ملبوس ہیں۔ ان سبھی ملعون لعنت اللہ کی شناخت ہوگئی ہے۔ کامیابی و کامرانی کے لئے دشمن شناسی لازمی ہے۔
صدر مملکت آیت اللہ سید ابراہیم رئیسی طاب ثراہ کی شہادت پر آیتہ اللہ العظمٰی سید علی خامنہ ای رضوان اللہ نے رنج و غم کا اظہار کرتے ہوئے کہا تھا کہ ایرانی قوم نے اپنے ایک مخلص، گراں قدر اور دل سے پیار کرنے والے خدمت گزار کو کھو دیا ہے۔ ان کے لئے، عوام کی بھلائی اور ان کی رضامندی جو خدا کی غماز ہے، ہر چیز سے زیادہ ترجیح رکھتی تھی اور اسی لئے کچھ لوگوں کی ناشکری اور بعض بد خواہوں کے طعنے انھیں ترقی و پیشرفت اور امور کی اصلاح کے لئے شب و روز سعی پیہم سے نہیں روک پاتے تھے۔ عزیز رئیسی تھکن کو جانتے ہی نہیں تھے۔

رہبر معظم نے کہا کہ شہید ڈاکٹر رئیسی کو کھو دینا ہمارے لیے سخت ہے۔ شہید صدر کی نماز جنازہ اور الوداعی رسومات میں 40 لاکھ محبان کی شرکت اس بات کی شہادت و علامت ہے کہ وہ کتنے مقبول، دیانتدار، نمونہ تحریک مقاومت، اور کرامات کے مالک تھے۔ آپ کی حیاتیات اور کارنامے لوگوں کی فکر و احساس میں پیغام کی طرح رہے گا۔ لوگ اسلام، انسانیت اور امن کے پرچم کو بلندی کے لئے دشمنان انسانیت اور اسلام سے مقابلہ کرتے رہیں گے۔