حوزہ نیوز ایجنسی کی رپورٹ کے مطابق، امام جمعہ کوئٹہ پاکستان علامہ حسنین وجدانی کی سعودی عرب میں جبری گمشدگی کے خلاف چیئرمین گلگت بلتستان عوامی تحریک جناب وزیر حسنین رضا کی قیادت میں، محفل شاہ خراسان کراچی میں ایک احتجاجی مظاہرہ کیا گیا، احتجاج میں عوام کی کثیر تعداد شریک تھی۔
احتجاجی مظاہرے سے مجلس وحدت مسلمین سندھ کے صوبائی رہنما ناصر حسینی، گلگت بلتستان عوامی تحریک کے رہنما وزیر حسنین رضا اور دیگر نے خطاب کرتے ہوئے کہا کہ ہم ہر طرح کے ظلم و ستم کے خلاف ہیں؛ علامہ حسنین وجدانی گزشتہ کئی ماہ سے سعودی عرب کی جیل میں ہیں، لہٰذا ان کی رہائی کا مطالبہ کرتے ہوئے پاکستانی حکومت سے مطالبہ کرتے ہیں کہ وہ اپنے اثر و رسوخ کو بروئے کار لاتے ہوئے ملت کے اس عظیم سرمائے کو واپس لانے میں اپنا کردار ادا کرے۔
مقررین کا احتجاجی مظاہرے سے خطاب کرتے ہوئے کہنا تھا کہ علامہ حسنین وجدانی کی رہائی عمل میں نہ آئی تو احتجاج کو وسعت دے کر تحریک میں تبدیل کردیں گے۔
مقررین نے غزہ پر اسرائیلی بربریت، شام، عراق، لبنان، ایران اور دیگر ممالک میں امریکی اور اسرائیلی بربریت اور ظلم و ستم اور گلگت بلتستان میں تاجروں کے احتجاج میں لاٹھی چارج اور آنسو گیس کی نیز بھرپور مذمت کی۔
آپ کا تبصرہ