حوزہ نیوز ایجنسی کی رپورٹ کے مطابق، انجمنِ حسینیہ واہ کینٹ کے الیکشن میں کامیابی حاصل کرنے والے پینل بی کے ممبران و سپورٹران کو مبارکباد دینے کے لیے شیعہ علماء کونسل پاکستان کے وفد نے مرکزی امامبارگاہ حیدر روڈ واہ کینٹ کا دورہ کیا؛ شیعہ علماء کونسل پاکستان کے وفد میں مرکزی رہنماء شیعہ علماء کونسل پاکستان و سابق مرکزی ناظم اعلٰی جعفریہ یوتھ برادر سید اظہار بخاری، سابق صوبائی جنرل سیکرٹری شیعہ علماء کونسل پاکستان شمالی پنجاب علامہ سید جعفر نقوی، سابق صوبائی آرگنائزر خیبر پختون خواہ علامہ سید زاہد حسنین بخاری، سابق ڈویژنل صدر شیعہ علماء کونسل پاکستان راولپنڈی ڈویژن علامہ غلام قاسم جعفری، سید عباس شیرازی نائب صدر شیعہ علماء کونسل پاکستان ضلع راولپنڈی، سید چراغ علی نقوی صدرِ شیعہ علماء کونسل پاکستان تحصیل ٹیکسلا، سید ذیشان نقوی ڈپٹی جنرل سیکرٹری اور سید اصغر کاظمی فنانس سیکرٹری شامل تھے۔
اس موقع پر وفد کا استقبال ممبر تحصیل مشاورتی کونسل برادر شفیق حیدر، ممبر تحصیل مشاورتی کونسل سید کاظم حسین شاہ کاظمی، سید مجتبی کاظمی اور سید کرامت ہمدانی نے کیا۔
شیعہ علماء کونسل پاکستان تحصیل ٹیکسلا بھابھڑہ یونٹ کے ذمہ دار سید وسیم عباس کاظمی نے اراکینِ یونٹ کے ہمراہ شرکت کی۔
میزبان انتظامیہ کی جانب سے بزرگ تنظیمی کارکن سید کرامت ہمدانی نے مرکزی مسجد و امامبارگاہ کی تاریخ اور انجمنِ حسینیہ واہ کینٹ کے تنظیمی ڈھانچہ و الیکشن مہم کے بارے تفصیلی بریفننگ دی۔
شیعہ علماء کونسل پاکستان کے وفد کی ترجمانی کرتے ہوئے تحصیل صدر سید چراغ علی نقوی نے نو منتخب ذمہ داران انجمنِ حسینیہ کو مبارکباد پیش کی اور اس کامیابی کو برقرار رکھنے، علماء و مؤمنین کرام کی خدمت سر انجام دینے اور مسجد و امامبارگاہ کی بہترین خدمت کرنے کے لیے تجاویز پیش کیں۔
علمائے کرام نے اپنی گفتگو میں قائدِ ملت جعفریہ پاکستان علامہ سید ساجد علی نقوی کی جانب سے مبارکباد اور خیر سگالی کا پیغام پہنچایا اور مؤمنین کے درمیان اتحاد و وحدت کی فضاء قائم رکھنے کا درس دیا۔
انجمنِ حسینیہ واہ کینٹ کے نئے منتخب صدر برادر محمد ہادی، نائب صدر برادر محمد حسن اور دیگر ذمہ داران کو ہار پہنائے گئے۔
نو منتخب صدر برادر محمد ہادی نے اپنے خطاب میں وفد کا شکریہ ادا کیا۔
شیعہ علماء کونسل تحصیل ٹیکسلا کی جانب سے اعزازی یاعلی مدد کی شیلڈز بطورِ ہدیہ پیش کی گئیں۔
آخر میں خطیبِ مرکزی مسجد واہ کینٹ علامہ سید احمد اقبال رضوی نے دعا کروائی۔
آپ کا تبصرہ