حوزہ نیوز ایجنسی کی رپورٹ کے مطابق، علامہ سید جواد نقوی نے گزشتہ روز لاہور میں جمعہ کے اجتماع سے خطاب کرتے ہوئے کہا ہے کہ قطر امریکہ کی چھاؤنی ہے تو قطر پر نہیں، بلکہ حماس پر حملہ ہے اور حماس جہاں بھی موجود ہے، وہ خطرے میں ہے۔ مزاحمت کرنے والا ہی مؤمن ہے، جبکہ مزاحمت کے علاوہ جسے یہ امن کہتے ہیں وہ دراصل اسرائیل کو تسلیم کرنے کی سٹریٹیجی اور ذلت پسندی ہے۔
انہوں نے مزید کہا کہ قطر، مصر، سعودی عرب، اردن اور متحدہ عرب امارات کو اسرائیلی مزاحمت ختم کرنے کیلئے ایک ٹول کے طور پر استعمال کیا جا رہا ہے، سات عرب ممالک اسرائیل کے دفاع کیلئے منتخب کیے گئے ہیں، عرب حکمرانوں کی نگاہ میں حماس کی مزاحمت کا خاتمہ ایک تقاضا ہے اور یہی ان کی سیاست کی حقیقت ہے۔
علامہ سید جواد نقوی نے کہا کہ امریکہ اور اسرائیل اپنے نئے کھیل کھیلنے کی تیاری میں ہیں اور ادھر مسلم حکمران سب ذلت کے راستے کو نجات سمجھ بیٹھے ہیں۔ مسلم حکمران چاہتے ہیں کہ ذلت کے ذریعے مسلمانوں کو بچایا جائے، حالانکہ یہ سراسر دھوکہ ہے، خاموش اور سمجھوتہ کرنے والا لشکر دراصل ذلت کا لشکر ہے اور وہ دشمن کا ساتھی ہے۔
17:13 - 2025/09/13
آپ کا تبصرہ