حوزہ نیوز ایجنسی کی رپورٹ کے مطابق، چیئرمین الصادق انسٹیٹیوٹ آف اسلامک بینکنگ فائننس اینڈ تکافل، چیئرمین زہرا (س) اکیڈمی پاکستان، سابق ممبر شرعیہ ایڈوائزری کمیٹی اسٹیٹ بینک آف پاکستان، سیکرٹری جنرل شیعہ علماء کونسل پاکستان علامہ ڈاکٹر شبیر حسن میثمی نے مہران ہوٹل کراچی میں منعقدہ عظیم الشان اسلامک بینکنگ فائننس کانفرنس میں خصوصی شرکت کی۔
رپورٹ کے مطابق کانفرنس میں آمد پر اسلامک بینکنگ کی اعلی شخصیات نے ویلکم کیا۔ اس موقع اسٹیٹ بینک آف پاکستان کے نمائندگان بھی تشریف فرما تھے۔
انہوں نے حالیہ اسلامک بینکنگ کے حوالے سے الصادق انسٹیٹیوٹ آف اسلامک بینکنگ فائننس کی ملک کے مختلف علاقوں بشمول گلگت، بلتستان میں فعالیت اور طلباء میں اسلامک بینکنگ کی ترویج و تربیت سمیت دیگر اہم امور پر تفصیلی خطاب کیا۔
آخر میں چیئرمین الصادق انسٹیٹیوٹ آف اسلامک بینکنگ نے طلباء میں اور مہمانان گرامی قدر میں شیلڈز اور سرٹیفکیٹس بھی تقسیم کیئے۔
قابل ذکر ہے کہ کانفرنس مرد و خواتین کی بڑی تعداد نے شرکت کی۔ پروگرام کے اختتام پر ملک و ملت کی سلامتی کے لیے اجتماعی دعا بھی کی گئی۔
آپ کا تبصرہ