حوزہ نیوز ایجنسی کی رپورٹ کے مطابق،مجتمع علماء و خطبا ممبئی ہندوستان نے حجت الاسلام و المسلمین الحاج آقائے شیخ محمد علی تسخیری کی رحلت پر تعزیت پیش کی اور کہا کہ مرحوم کی خبر انتقال نے ہمیں غمزدہ و سوگوار کردیا۔
تعزیتی پیغام کا مکمل متن اس طرح ہے:
بسم الله الرحمن الرحیم
اپنی پر برکت حیات کے آخری لمحہ تک خدمت اسلام و مسلمین و انسانیت میں مصروف و مشغول رہنے والے عالم ربانی حجت الاسلام و المسلمین الحاج آقائے شیخ محمد علی تسخیری کی رحلت نے ہمیں غمزدہ و سوگوار کردیا۔
امت مسلمہ کو متحد رکھنے اور پیام محمد و آل محمد علیہم السلام کو عالم انسانیت تک پہنچانے میں آپ نے عظیم و اہم کردار ادا کیا ہے۔
حیات کے آخری ایام میں جسمانی ناتوانیوں کے باوجود اپنے ارادے میں پر عظم رہتے ہوئے خدمت اسلام میں کوئی کمی نہیں چھوڑی۔
مجتمع علماء و خطبا ممبئی ہندوستان کی جانب سے امام عصر عجل اللہ فرجہ، مقام معظم رہبری امام خامنہ ای، مراجع عظام مؤمنین کرام اور بیت معظم لہ کی خدمت تعزیت و تسلیت پیش کرتے ہوئے دعا گو ہیں کہ خدا مرحوم کے درجات بلند فرمائے۔
مجتمع علماء و خطبا ممبئی ہندوستان
