۹ فروردین ۱۴۰۳ |۱۸ رمضان ۱۴۴۵ | Mar 28, 2024
علامہ شبیر میثمی

حوزہ/ اسلامی جمہوریہ کے نظام نے اسلام کا وقار بلند کیا ہے لیکن اسلامی جمہوریہ کی مخالفت کرنے والے سوال اٹھا رہے ہیں کہ ایران میں سنی مساجد ہیں یا نہیں؟ ہمیں دنیا کے لوگوں تک یہ پیغام پہنچانے کا راستہ تلاش کرنا چاہیے کہ اسلامی ایران کیسا ہے۔

حوزہ نیوز ایجنسی کی رپورٹ کے مطابق،شیعہ علماء کونسل پاکستان کے مرکزی سیکرٹری جنرل علامہ شبیر حسن میثمی نے خانہ فرہنگ کراچی میں منعقدہ کانفرنس سے خطاب کرتے ہوئے آیت “و من یتوکل علی الله فهو حسبه» کا حوالہ دیتے ہوئے کہا: یہ قرآن کی آیت ہے لیکن اس پر عمل نہیں کیا جاتا۔ امام راحیل (رح) نے ہم پر واضح کردیا کہ اگر آپ کی صفوں میں اتحاد ہے اور اللہ پر بھروسہ ہے تو دنیا کی سپر پاورز آپ کو روک نہیں سکیں گی۔

انہوں نے سوال کیا کہ اسلامی جمہوریہ ایران اور دوسرے ممالک میں کیا فرق ہے؟ انہوں نے کہا: اسلامی جمہوریہ ایران کی حکومت فلسطین کے مظلوموں کی حمایت کرتی ہے۔ امام راحل (رہ) نے تاکید کی کہ فلسطین کو مسلمانوں کے ذہنوں سے غائب نہیں ہونا چاہیے اور رہبر معظم انقلاب اسلامی حضرت آیت اللہ العظمی خامنہ ای نے بھی فرمایا کہ ہم اپنی پوری طاقت کے ساتھ اسرائیل کا مقابلہ کریں گے۔ لیکن دوسرے ممالک بھی ہیں جو فلسطین کو بالکل بھول چکے ہیں۔

علامہ شبیر حسن میثمی نے کہا: ایران کے لوگ اسلام کی روح کے ساتھ اپنا راستہ جاری رکھے ہوئے ہیں۔ اسلامی جمہوریہ کے نظام نے اسلام کا وقار بلند کیا ہے لیکن اسلامی جمہوریہ کی مخالفت کرنے والے سوال اٹھا رہے ہیں کہ ایران میں سنی مساجد ہیں یا نہیں؟ ہمیں دنیا کے لوگوں تک یہ پیغام پہنچانے کا راستہ تلاش کرنا چاہیے کہ اسلامی ایران کیسا ہے۔

انہوں نے مزید کہا: “اسلامی جمہوریہ کی حکومت کو کام کرنا شروع کر دینا چاہیے اور اپنی سرگرمیوں اور سنیوں کے لیے کیا کرتی ہے اس کے بارے میں لوگوں کو بتانا چاہیے۔”

علامہ شبیر حسن میثمی نے اشارہ کیا: اسلامو فوبیا کی دو وجوہات ہیں، ایک یہ کہ انہوں نے مسلمانوں کے نام پر داعش بنائی، ان کے گلے کاٹے اور خواتین پر حملہ کیا۔ اس لیے دنیا اسلام سے خوفزدہ تھی۔ دوسری وجہ یہ ہے کہ ہم نے اسلام کے خوبصورت پیغامات کو دنیا کے سامنے پیش نہیں کیا۔ اسلام کا خوبصورت پیغام لوگوں کو نرمی سے دین کی طرف لے جانا ہے۔

لیبلز

تبصرہ ارسال

You are replying to: .