۱۲ آذر ۱۴۰۱ |۹ جمادی‌الاول ۱۴۴۴ | Dec 3, 2022
تصاویر / مراسم جشن ولادت حضرت علی (ع) با حضور آیت الله العظمی مکارم شیرازی

حوزہ/ آیت اللہ العظمیٰ مکارم شیرازی نے پاکستان کے شہر پشاور کی شیعہ مسجد میں نماز جمعہ کے دوران ہونے والے خودکش حملے کے خلاف بیانیہ صادر کر کے اس المناک سانحہ کی شدید مذمت کی ہے۔

حوزہ نیوز ایجنسی کی رپورٹ کے مطابق، آیت اللہ العظمیٰ مکارم شیرازی نے پاکستان کے شہر پشاور کی شیعہ مسجد میں نماز جمعہ کے دوران ہونے والے خودکش حملے کے خلاف بیانیہ صادر کر کے اس المناک سانحہ کی شدید مذمت کی ہے۔

ان کے اس بیانیہ کا متن اس طرح ہے:

بسم الله الرحمن الرحیم

إنا لله وإنا إلیه راجعون

ایک بار پھر پاکستان میں شیعہ مسجد پر خودکش حملے میں بڑی تعداد میں بے گناہ نمازیوں کو خون میں غلطاں کر دیا گیا۔ جس کی وجہ سے شیعیانِ اہلبیت علیہم السلام اور دنیا بھر کے آزاد انسانوں کے دل مجروح ہوئے ہیں۔

افسوسناک امر یہ ہے کہ اس سلسلہ وار قتلِ عام کو دنیا دیکھ رہی ہے لیکن اس کے باوجود حکومتوں اور بین الاقوامی اداروں نے اس المناک سانحہ کی مذمت نہیں کی ہے اور اس قسم کے افسوسناک واقعات کی روک تھام کے لئے اب تک کوئی سنجیدہ اقدام نہیں کیا گیا۔

میں اس دردناک مصیبت پر حضرت ولی عصر عجل اللہ تعالی فرجہ الشریف، تمام مسلمانوں اور بالخصوص شہداء کے اہلِ خانہ کی خدمت میں تعزیت پیش کرتا ہوں اور بارگاہِ خداوندی میں تمام شہداء کے لئے رحمت و مغفرت اور زخمیوں کے لئے شفاء عاجل کا طالب ہوں۔

والله المستعان علی ما تصفون والعاقبة للمتقین

قم ـ ناصر مکارم شیرازی

5 مارچ 2022ء

لیبلز

تبصرہ ارسال

You are replying to: .
2 + 14 =