حوزہ نیوز ایجنسی । ہندوستان کے مشہور تجزیہ نگار جناب دبیش راو چودھری نے ہندوستان میں آج کل ہر محاذ پر مورد بحث فلم دی کشمیر فائلز کا منصفانہ تجزیہ کیا ہے جو Time میں انگریزی زبان میں چھپا ہے اور اردو قارئین کے لئے تبیان قرآنی ریسرچ انسٹچیوٹ کے مدیر اعلیٰ آغا سید عابد حسین حسینی نے اس کا ترجمہ کیا ہے فیلم کے بارے میں گھری معلومات کسب کرنے کے لئے اس مقالہ کا مطالعہ کریں۔

جس وادی کو کبھی "فردوس بروی زمین" کے نام سے جانا جاتا تھا، آج وہی کشمیر دنیا کی سب سے بڑی فوجی چھاونی بنا ہوا ہے۔

معمولا تناؤ کو کم کرنے اور مفاہمت کو فروغ دینے کا پہلا قدم تنازعات کے اسباب کا صحیح اندازہ لگانا ہوتا ہے اور پھر انکا سد باب کرنا ہوتا ہے، لیکن (بالی ووڈ کے تمام رکاڈ توڈنے والے ایک سیاسی پرچار کی نوعیت کی)ایک نئی فیلم اس کے برعکس عمل کر رہی ہے، جبکہ یہ دعویٰ کرتی ہے کہ وہ ایمانداری سے ماضی کی عکاسی کر رہی ہے۔ (فیلم کے ٹائٹل پر ہی The real story of Kashmir لکھا ہوا جوٹا سچ دکھتا ہے)

مارچ میں ہندوستانی تھیٹروں میں ریلیز ہونے والی فیلم، 170 منٹ کا بالی ووڈ ڈرامہ بنام The Kashmir Files جو کشمیری پنڈتوں، یا برہمنوں کے المیے کے بارے میں ہے، برہمن ہندو مذہب کی پجاری اور اعلیٰ ترین ذات مانی جاتی ہے۔ ہندومت مسلم اکثریتی کشمیر میں ایک اقلیتی عقیدہ ہے، اور پنڈتوں نے 1990 کی دہائی میں اس خطے کو بڑے پیمانے پر چھوڑ دیا، جب انہیں پاکستان کے زیر اہتمام عسکریت پسند اسلام پسندوں نے نشانہ بنایا۔

موجودہ حکمرانوں نے ہندی زبان کی اس فیلم کو ٹیکس میں چھوٹ دی ہے اور اسے وزیر اعظم نریندر مودی کی ہندو قوم پرست حکومت نے بہت زیادہ پسند کیا ہے، جو لوگوں کو یہ فیلم دیکھنے کی ترغیب دے رہی ہے۔ یہاں تک کہ سرکاری ملازمین کو چھٹی کی پیشکش کی جا رہی ہے اگر وہ فیلم دیکھنے جاتے ہیں۔ لیکن فیلم کا تھیم، جو مودی کے ایک گروہ نے بنایا ہے، اور اس میں پنڈتوں کو ڈرانے اور قتل کرنے کی تصویری عکاسی، ہندوؤں کو مشتعل کر رہی ہے اور مذہبی اختلاف کو بڑھاوا دے رہی ہے۔

آج کل فیلم دیکھنے کے بعد سامعین کی نفرت انگیز تقاریر کی ویڈیوز سے سوشل میڈیا بھرا ہوا ہے، جس میں مسلمانوں کے قتل عام اور مسلمانوں سے کاروبار کا بائیکاٹ کے مطالبات ہیں۔ اکثر، یہ تقاریر مودی کی حکومت کے ساتھ نظریاتی طور پر وابستہ ہندو چوکس تنظیموں کے ذریعہ کی جاتی ہیں۔ بڑھتی ہوئی عدم برداشت کے ماحول میں، جہاں مسلمانوں کا اخراج اور پسماندگی مرکزی دھارے کی سیاسی گفتگو بن گیا ہے، وہیں اس فیلم کے بعد ہندوستانی مسلمانوں مزید خوفزدہ ہوئے ہے۔

فلم جس "سچائی" کو ظاہر کرنے کا دعویٰ کرتی ہے وہ یہ ہے کہ 1990 کی دہائی میں پنڈتوں کی "نسل کشی" ہوئی تھی، جسے ایک ظالم حکمران اسٹیبلشمنٹ اور دوسروں کے اشارے پر چلنے والے میڈیا نے چھپایا تھا۔ فیلم میں دعویٰ کیا گیا پنڈت ہزاروں کی تعداد میں مارے گئے، جبکہ یہ رقم سیکڑوں میں نہیں بلکہ سو سے بھی کم ہے جیسا کہ حکومت اور کشمیری پنڈت تنظیموں نے کہا ہے۔ (اور یہ دعویٰ مسترد کیا ہے)

یہ واضح نہیں ہے کہ پنڈتوں پر ہونے والی مظالم کو کیوں چھپاکے رکھ دیا گیا ہے۔ فیلم میں مرکزی اداکار اس وقت کے اخباری کٹنگز کی فائلوں سے یہ سب کچھ سیکھتا ہے۔ اور یہ بھی واضح نہیں ہے کہ فلم کے مرکزی کردار بار بار دہلی میں کانگریس پارٹی کی قیادت والی حکومت کو پنڈتوں کے اخراج کے لیے کیوں مورد الزام ٹھہراتے ہیں، جب یہ مخلوط حکومت کے دوران ہوا تھا جسے مودی کی اپنی بھارتیہ جنتا پارٹی (بی جے پی) کی حمایت حاصل تھی۔

مگر فیلم میں واقعیت اور حقیقت کی کوئی ترجیح نہیں ہے اور نہ ہی اسے پنڈت برادری کے لیے انصاف اور گھر واپسی میں کوئی دلچسپی ہے۔ اس کے بجائے، کشمیر فائلز کا مقصد مسلمانوں کے خلاف نفرت کو ہوا دینا ہے۔ اور سیکولر پارٹیوں کے خلاف جنہیں مودی کے پیروکار ہندو مخالف قرار دیتے ہیں۔ نفرت کو ہوا دینا ہے، لبرل دانشور اور کارکن، جن کا ہندوستان کی جامع جمہوریت پر یقین ہندو قوم پرستوں کے بالادستی کے اصولوں کے برعکس ہے۔ انکے خلاف نفرت کو ہوا دینا ہے، اور لبرل میڈیا کے خلاف جسے ہندو حق فروخت شدہ "پرسٹیٹیوٹ" کے طور پر بے عزت کرتا ہے۔

فیلم میں مسلمانوں کو مساوی طور پر برے، غدار اور درندے کے طور پر پیش کیا جاتا ہے۔ یہاں تک کہ فیلم میں چھوٹے مسلمان بچے کو بھی شیطانی دکھایا گیا ہے۔ ہندو عورتوں کو فاحش مسلمان مردوں کے ہوس کا شکار دکھایا گیا ہے۔ مؤخر الذکر ایک خاص جال اور جھانسہ کے طور پر استعمال ہوا ہے جسے بی جے پی نے استعمال کیا ہے اور اسے "Love Jihad" کی اصطلاح سے جانا جاتا ہے – یہ قیاس کیا گیا کہ اسلام پسند سازش جس میں ہندؤوں کو عددی طور پر پیچھے چھوڑنے کے ساتھ ہندو خواتین کو رنگدار بنایا جائے۔ (درحقیقت، مسلمان ہندوستان کی آبادی کا محض 14 فیصد ہیں۔)

اس پراپیگنڈے کا نتیجہ فیلم کے پرجوش استقبال سے ظاہر ہوتا ہے۔ ایک وائرل ویڈیو میں، سامعین کے ایک مشتعل رکن کو دیکھا جا سکتا ہے کہ وہ ہندو مردوں سے مسلمان لڑکیوں سے شادی کر کے اپنے مذہب کو محفوظ رکھنے کی تلقین کرتے ہیں۔ اس طرح کا اکثریتی غصہ — جو WakeUpHindu# جیسے ہیش ٹیگز سے ظاہر ہوتا ہے — وہ ہے جو فیلم کا مقصد کشمیر کی پیچیدہ کہانی سے مخلصانہ طور پر نمٹنے کے بجائے آگ پر ایندھن لگانا ہے۔

کشمیر کے بارے میں "سچ" جو کہ زیادہ پیچیدہ ہے، وہ یہ ہے کہ کئی دہائیوں کےجھوٹے سیاسی وعدوں، دھاندلی زدہ انتخابات، کلاسٹروفوبیا اور مسلسل فوجی موجودگی، قوم کی تذلیل، غیر ملکی فنڈنگ سے بیگانگی، بداعتمادی اور تشدد کا ایک نہ ختم ہونے والا چکر گردش کرتا رہا ہے۔ اسلام پسند شورشیں، حراستی موت، تشدد، حقوق کی خلاف ورزیاں، وحشیانہ کریک ڈاؤن، اور ہندوستانی ریاست کی خودمختاری کے نقصان کے جائز خوف۔

اس جنگی علاقے میں رہنے والی ہندو اور مسلم خواتین دونوں کو عسکریت پسندوں کے ساتھ ساتھ سیکیورٹی فورسز کے جنسی تشدد کا سامنا کرنا پڑا ہے۔ کشمیری مسلمان بھی ہندوؤں سے کہیں زیادہ تعداد میں مرے اور بھاگے۔ اور بہت سے پنڈت جنہوں نے عسکریت پسندی کا مقابلہ کیا اور کشمیر میں ہی رہنے کا ارادہ کیا وہ ایک سابق ہندوستانی انٹیلی جنس چیف کے مطابق "مسلمانوں کے ذریعہ تحفظ یافتہ تھے"۔ طبیعی طور پر، اس بارے میں فیلم دی کشمیر فائلزمیں کچھ بھی نہیں دکھایا گیا ہے۔

ہندوستان کے وزیر اعظم نریندر مودی، جن کا کشمیر میں ماضی کے مظالم یا سیاسی ناکامیوں میں کوئی کردار نہیں تھا، وہ خطے میں بحالی کی کوشش کر سکتے تھے۔ لیکن ایک ہندو طاقتور شخص کے طور پر، مسلمانوں پر غلبہ حاصل کرنے اور گم شدہ ہندو فخر کو دوبارہ حاصل کرنے کی اس کی اپنی ضرورت اسے کشمیر کے بارے میں اپنے پیشروؤں سے بھی زیادہ سخت گیر پالیسی پر مجبور کرتی ہے۔

2019 میں اپنے دوبارہ انتخاب کے فوراً بعد، مودی نے ملک کی واحد مسلم اکثریتی ریاست جموں و کشمیر سے اس کی ریاستی حیثیت اور جزوی خودمختاری چھین لی، اس کے منتخب نمائندوں کو قید کر دیا، اضافی 40,000 فوجی بھیج دیے، علاقے کو بند کر دیا، اور نافذ کر دیا۔ مہینوں طویل معلوماتی ناکہ بندی۔

کشمیر کی طویل آزادی جدوجہد ہندو قوم پرستی کے اس مقدمے کی توثیق کرتی ہے کہ مسلمان، اپنی غیر ملکی وفاداریوں کے ساتھ، ہندوؤں اور ہندوستان کی سالمیت کے لیے ایک خطرہ ہیں۔ کشمیر اس طرح بی جے پی کے مسلمانوں کو خطرناک "اغیار" کے خلاف وسیع پیمانے پر متفرق ہندو ووٹر بیس کو متحد کرنے کے لیے بوگیمین کے طور پر استعمال کرنے میں پوری طرح فٹ بیٹھتا ہے۔ یہ بڑے پیمانے پر بنیاد پرستی مختلف سطحوں پر چلتی ہے—سوشل میڈیا، ایک منحوس مینسٹریم کا نیوز میڈیا (کبھی کبھار ریڈیو روانڈا کے مقابلے)، اور historical revisionism سنیما کے ذریعے تیزی سے پہلایا جاتا ہے۔

مشترکہ تاریخ گروہی شناختوں کی تعمیر میں مرکزی حیثیت رکھتی ہے اور مقبول رائے کو جوڑ توڑ اور ہتھیار بنانے میں اہم کردار ادا کرتی ہے۔ تاریخی واقعات جو مسلمانوں کے ہاتھوں ہندوئوں کے ظلم و ستم کو نمایاں کرتے ہیں اس کاروبار میں اہم ہیں۔ لہذا، بالی ووڈ میں دیر سے اسلامو فوبیا کا نمایاں پھیلاؤ دیکھنے میں آیا ہے، خاص طور پر دور کی فلمیں جن میں شیطانی مسلم حکمرانوں کے خلاف مزاحمت کرنے والے شریف ہندوؤں کو دکھایا گیا ہے۔

نازی فلموں جیسے کہ Jew Süss اور Die Rothschilds کے ساتھ موازنہ کرتے ہوئے، دی کشمیر فائلز ہندوستانی سنیما کے نظر ثانی کے رجحان کا ایک اضافہ ہے، جسے موجودہ دور کی ڈھٹائی سے ہندو انتہا پسندی کا جواز فراہم کرنے کے لیے استعمال کیا جاتا ہے۔ مسلمانوں کی لنچنگ، تذلیل اور انحطاط روز کا معمول بن چکا ہے۔ مسلمانوں کی نسل کشی اور سماجی اور معاشی بائیکاٹ کی کالیں بڑے پیمانے پر ہیں۔

ریاست کی طرف سے منظور شدہ مذہبی نفرت نے حجاب کے خلاف تحریکوں اور عوامی نماز کی مخالفت کے ذریعے مسلمانوں کی موجودگی کو بھی مجرم بنا دیا ہے۔

سوشل میڈیا اور مقبول ثقافت کے ذریعے دوبارہ لکھی گئی تاریخ کے ٹکڑوں سے بھرے ہوئے، ہندوستان کی مسلم آبادی کے خلاف الزامات کی قیادت کرنے والے ہندو چوکیدار ماضی کی غلطیوں کے لیے انصاف کے طور پر اپنی تعصب کو معقول بناتے ہیں۔ ہندوستان جتنی گہرائی میں ایک غیر لبرل مستقبل کی کھائی میں جاتا ہے، اتنا ہی وہ اپنی رجعت کا جواز پیش کرنے کے لیے اپنے ماضی کی طرف دیکھتا ہے۔ کشمیر فائلز جیسی فلمیں اس عمل میں جتنا زیادہ "سچ" دریافت کرتی ہیں، ملک میں خانہ جنگی کا اتنا ہی زیادہ خطرہ ہوتا ہے۔ مدھم تھیٹروں سے مسلمانوں کے خاتمے کی پکار کے ساتھ عروج پر، فلم ہندوستان کے اندھیرے میں تیزی سے اترنے میں ایک اہم سنگ میل کی نشاندہی کرتی ہے۔

تجزیہ نگار دبیش راو چودھری نے فیلم میں دو اہم چیزوں کو نظر انداز کیا ہے یا اسے اس کے بارے میں علم نہیں ہے وہ یہ کہ فیلم میں امام خمینی رحمۃ اللہ علیہ کی فوٹوں کو دہشتگردوں کے ہاتھوں میں دکھا یا گیا ہے جو امام کی آئیڈیالوجی سے متضاد سنیریو ہے اور یہ سین دکھا کر یہ باور کرانا چاہتے ہیں کہ دنیا بھر میں دھشتگردی کے پیچھے اسلامی نظریات ہے جب کہ یہ سراسر غلط ہے اور کشمیر میں پرچم دار ولایت اہل بیت شھید میر شمس الدین اراکی رضوان اللہ تعالیٰ علیہ کی بھی ایک کتاب کی رفرنس دے کر ہٹلر اور دہشتگردوں سے تشبیح دی گئی ہے فیلم کے ڈائرکٹر فیلم رلیز ہونے کے بعد لگاتار شیعوں کو مورد ہجوم قرار دیتا ہے جس سے پتہ چلتا ہے اس فیلم میں ہندوستان میں شدت پسند ہندوں کے علاوہ بین الاقوامی استعماری اور اسلام دشمن ایجنسیوں کا بھی مرکزی رول رہا ہے۔ ضرورت اس بات کی ہے کہ اس فیلم کے ہر ایک سیوکنس کو جواب دینے کے لئے عالم اسلام عموما اور جمہوریہ اسلامی ایران خصوصا ایک برجستہ فیلم سے جواب دے۔