حوزہ نیوز ایجنسی کے گروہ ترجمہ کے مطابق، کربلا میں نماز عیدالفطر کے خطیب حجت الاسلام سید عدنان جلوخان الموسوی نے معاشرے میں پھیلنے والی فتنوں بالخصوص ان فتنوں کے خلاف خبردار کیا جو کہ اس وقت نوجوانوں کو نشانہ بنائے ہوئے ہیں۔

انہوں نے کہا: 18 ذوالحجہ، عید غدیر خم کی آمد آمد ہے۔ اس مبارک دن میں حضرت امیر المومنین علیہ السلام کے حرم مبارک کی زیارت کرنا ان سے تجدید بیعت کو ظاہر کرتا ہے۔ یاد رہے کہ اس بیعت کو مومن کے اعمال اور طرز عمل میں بھی نظر آنا چاہئے۔

حجت الاسلام سید عدنان الموسوی نے کہا: ہر حال میں حضرت محمد مصطفی صلی اللہ علیہ وآلہ وسلم اور ان کی آل پاک سے متمسک رہنے کی ضرورت ہے۔ رسول اللہ صلی اللہ علیہ وآلہ وسلم سے منقول ہے کہ "میرے اہل بیت ع کی مثال تم میں کشتی نوح کی طرح ہے، جو اس پر سوار ہو گا وہ نجات پائے گا اور جو پیچھے رہے گا وہ ڈوب کر ہلاک ہو جائے گا"۔