حوزہ نیوز ایجنسی کی رپورٹ کے مطابق، پاکستان کے تمام چھوٹے بڑے شہروں میں تاسوعائے حسینی کے موقع پر عظیم الشان جلوس ہائے عزاء برآمد ہوئے، جن میں عزاداران سید الشہداء علیہ السلام نے بھرپور شرکت کی۔
اس موقع پر امامیہ اسٹوڈنٹس آرگنائزیشن پاکستان کی جانب سے نمازِ جماعت کا روح پرور مناظر بھی دیکھنے کو ملے، جو کہ عزاداری کے اہم مقاصد میں سے ایک ہے۔
آئی ایس او پاکستان کو یہ اعزاز حاصل ہے کہ تمام جلوسوں میں یہ طلبہ تنظیم نمازِ جماعت کا بہترین اہتمام کرتی ہے۔
نویں محرم الحرام کے مرکزی جلوس کراچی میں آئی ایس او پاکستان نے نمازِ جماعت کا اہتمام کیا، جہاں شدید گرمی کے باوجود عزاداروں کےلیے وضو کرنے پانی کا انتظام کیا اور ہزاروں نمازیوں نے نمازِ جماعت کثیر میں شرکت کی۔
نمازِ جماعت حجت الاسلام مولانا صادق جعفری کی اقتداء میں ادا کی گئی۔
یہ بات قابلِ ذکر ہے کہ جلوس کے دوران غاصب اسرائیل کے خلاف اور غزہ و فلسطین کے مظلوموں کی حمایت میں زبردست نعرہ لگایا گیا۔
