حوزہ نیوز ایجنسی کے مطابق، اقوام متحدہ میں پاکستان کے مستقل مندوب عاصم افتخار نے سلامتی کونسل کے اجلاس سے خطاب کرتے ہوئے کہا: اسرائیل اقوام متحدہ کی قراردادوں اور جنگ بندی کے معاہدے کی خلاف ورزی کر رہا ہے۔
انہوں نے مزید کہا: سلامتی کونسل غزہ پر خاموشی توڑ کر اپنا کردار ادا کرے۔ فلسطین میں جو کچھ ہو رہا ہے وہ انسانیت کے ساتھ سنگین مذاق ہے۔
اقوام متحدہ میں پاکستان کے مستقل مندوب نے کہا: ہم ایسے ادارے کاحصہ نہیں بن سکتے جو خاموش تماشائی بنا رہے۔
انہوں نے مزید کہا: ہم اس اخلاقی دیوانے پن کا حصہ بننے سے انکار کرتے ہیں۔ سلامتی کونسل اپنی ساکھ برقرار رکھنے کیلئے ہی سہی لیکن اپنی قراردادوں پر عملدرآمد یقینی بنائے۔
آپ کا تبصرہ