حوزہ نیوز ایجنسی کی رپورٹ کے مطابق، چیئرمین الصادق انسٹیٹیوٹ آف اسلامک بینکنگ فائننس اینڈ تکافل پاکستان ممبر شرعیہ ایڈوائزری کمیٹی اسٹیٹ بینک آف پاکستان و سیکرٹری جنرل شیعہ علماء کونسل پاکستان علامہ ڈاکٹر شبیر حسن میثمی نے جامعۃ الکوثر اسلام آباد میں اسلامک بینکنگ سسٹم کی الصادق انسٹیٹیوٹ آف اسلامک بینکنگ فائننس اینڈ تکافل پاکستان کی جانب سے منعقدہ کانفرنس میں خصوصی شرکت کی۔
رپورٹ کے مطابق پاکستان کے تمام دینی مدارس میں اسلامک بینکنگ سسٹم کے فروغ کے لیے مسلسل پروگرامز کے انعقاد کا سلسلہ جاری ہے۔
اس ضمن میں جامعۃ الکوثر اسلام آباد میں بھی ایک اہم نشست کا اہتمام جامعہ کی طرف سے ہوا۔ جس میں چیئرمین صاحب کے علاوہ حجۃ الاسلام والمسلمین علامہ شیخ انور علی نجفی، سیکرٹری اطلاعات شیعہ علماء کونسل پاکستان محترم زاہد علی آخونزادہ کوآرڈینیٹر الصادق انسٹیٹیوٹ آف اسلامک بینکنگ فائننس مولانا مظہر عباس زیدی کے علاوہ دیگر معزز اراکین بھی موجود تھے۔
قابل ذکر ہے کہ اسلامک بینکنگ سے وابستہ اہم شخصیات نے شرکت کرنے والے طلباء سے مفصل خطاب کیا اور اسلامک بینکنگ فائننس سسٹم پر بریفنگ دی۔ اس موقع پر جامعہ کے اساتذہ و طلباء کرام کی بڑی تعداد موجود تھی، آخر میں شرکت کرنے والے معزز اراکین میں انعامات بھی تقسیم کیے گئے۔
آپ کا تبصرہ