حوزہ نیوز ایجنسی کی رپورٹ کے مطابق، رانچی ہندوستان؛ مسجد جعفریہ رانچی میں اسلامک ٹورس اینڈ ٹریولز لکھنؤ کی جانب سے حج تربیتی کیمپ کا انعقاد کیا گیا، کیمپ میں عازمینِ حج نے کثیر تعداد میں شرکت کی۔
مناسکِ حج کا درس دینے والے جھارکھنڈ سنی وقف بورڈ کے رکن اور مسجد جعفریہ رانچی کے امام و خطیب مولانا حاجی سید تہذیب الحسن رضوی تھے، جنہوں نے حج کے آغاز سے لے کر تکمیل تک کے مناسک حج کے بارے میں حجاج کو آگاہ کیا۔
کیمپ میں حج کے خصوصی پانچ دنوں میں ادا کی جانے والی عبادات کی بھی وضاحت کی گئی؛ جیسے کعبہ کا طواف، صفا مروہ کی دوڑ، عرفات، منیٰ، قربانی سمیت دیگر اعمال بتائے گئے، حبیب احمد جو کہ حج پر جا رہے ہیں ان کو اسلامک ٹورز اینڈ ٹریولز لکھنؤ نے مسجد جعفریہ میں اعزاز سے نوازا۔
آخر میں مولانا سید تہذیب الحسن نے ملک کی ترقی، خوشحالی، امن، محبت اور اتحاد کے لیے دعا کی۔
اس موقع پر سید نہال حسین سریاوی، سید جاوید حیدر، جسیم رضوی، اقبال فاطمی، ندیم رضوی، ہاشم، اقبال حسین، اشرف رضوی، حبیب احمد، عطا امام رضوی، سید شاہ رخ حسن رضوی، فراز سمیت کثیر تعداد میں لوگ موجود تھے۔
آپ کا تبصرہ