حوزہ نیوز ایجنسی کی رپورٹ کے مطابق، ایرانی سپاہ پاسدارانِ انقلابِ اسلامی کے سینئر کمانڈر میجر جنرل موسوی نے کہا ہے کہ ہمیں غاصب صیہونی ریاست کی جارحیت کے جواب میں سخت انتقامی کاروائی کا حکم ملا ہے۔
ان کا یہ بیان حالیہ غاصب صیہونی فضائی حملوں کے پس منظر میں سامنے آیا ہے، جن میں ایران کے عسکری اور اور رہائشی مقامات کو نشانہ بنایا گیا، جس کے نتیجے میں متعدد ایرانی کمانڈرز، سائنسدان اور شہری شہید ہوگئے ہیں۔
انہوں نے اس واقعے پر امام زمانہ (عج)، رہبرِ انقلابِ اسلامی اور ایرانی قوم کی خدمت میں تعزیت اور تبریک پیش کی اور اس جارحیت کو بزدلانہ اور مجرمانہ اقدام قرار دیا۔
میجر جنرل موسوی نے کہا ہے کہ جیسا کہ آپ سب باخبر ہیں، مجرم صیہونی ریاست نے ہمارے متعدد علاقوں پر جارحیت کی، جن میں فوجی تنصیبات کے ساتھ ساتھ رہائشی علاقے بھی شامل ہیں۔ اس حملے کے نتیجے میں ہمارے عظیم کمانڈروں، جوانوں، سائنسدانوں اور عام شہریوں نے جام شہادت نوش کیا۔
انہوں نے رہبرِ انقلابِ اسلامی کی جانب سے جاری ہدایات کا حوالہ دیتے ہوئے کہا کہ ہمیں واضح اور قطعی طور پر حکم دیا گیا ہے کہ اس جارحیت کے منصوبہ سازوں اور ان کے حامیوں کو سخت ترین سزا دی جائے۔ ان شاء اللہ، شہداء کے پاکیزہ خون کا بدلہ ضرور لیا جائے گا اور یہ خون ہرگز رائیگاں نہیں جائے گا۔
آپ کا تبصرہ