حوزہ نیوز ایجنسی کی رپورٹ کے مطابق، قائد ملت جعفریہ پاکستان علامہ سید ساجد علی نقوی سے شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی اور مرکزی سیکرٹری اطلاعات زاہد علی آخونزادہ نے ملاقات کی۔
رپورٹ کے مطابق اس ملاقات میں ملک بھر میں محرم الحرام کے انعقاد کے حوالے مختلف صوبوں میں درپیش مسائل، زائرین کے مسائل اور ان کے حل لیے کیے گئے اقدامات، جی بی سمیت ملکی سیاسی صورتحال، ملی یکجہتی کونسل پاکستان کی آل پارٹیز کانفرنس سمیت تنظیمی صورتحال پر گفتگو ہوئی۔
قائد محترم نے مختلف امور پر رہنمائی فرمائی اور زائرین کے مسائل کے فوری حل اور پنجاب میں عزاداری پر ایف آئی آرز کے خاتمے کے لیے فوری اقدامات کی ضرورت پر بھی زور دیا۔
قابل ذکر ہے کہ اس موقع پر مرکزی سیکرٹری جنرل نے انہیں مذکورہ اقدامات کے جاری اور ثمرآور ہونے کا بھی یقین دلایا۔
آپ کا تبصرہ