حوزہ نیوز ایجنسی کی رپورٹ کے مطابق، حرم امام رضا علیہ السّلام کے ادارۂ برائے غیر ملکی زائرین کے ڈائریکٹر جناب مہدی لسانی نے نیوز ایجنسی سے گفتگو کرتے ہوئے بتایا ہے کہ پیغمبرِ اکرم (ص) اور امام حسن مجتبیٰ (ع) اور امام رضا (ع) کی شہادت کا سوگ منانے کے لیے مختلف پروگراموں کا انعقاد کیا جا رہا ہے، تاکہ دیگر ممالک سے آنے والے زائرین ایک روحانی اور پر سکون ماحول میں عزاداری کر سکیں۔
انہوں نے مزید کہا کہ ان بابرکت ایّام میں عرب زبان، اردو زبان اور آذری زبان زائرین کے لیے منفرد اور مختلف پروگراموں کا انعقاد کیا جاتا ہے، تاکہ اہلبیت (ع) کے چاہنے والے اپنی زبان اور ثقافت کے مطابق عزاداری منا سکیں۔
عرب زبان زائرین کے خصوصی پروگراموں کی تفصیلات
جناب لسانی نے عرب زبان زائرین کے پروگراموں کی وضاحت کرتے ہوئے کہا کہ ستائیس صفر کو نمازِ مغربین کے فوراً بعد پیغمبرِ اکرم(ص) اور امام حسن مجتبیٰ(ع) کی شہادت کی مناسبت سے عرب زبان زائرین کے لیے حرم امام رضا(ع) کے صحن غدیر میں عزاداری کا خصوصی پروگرام منعقد کیا جائے گا، جس میں پیغمبرِ اکرم(ص) کی زیارت پڑھی جائے گی، نوحہ خوانی اور دعا کمیل کی قرائت کی جائے گی۔
انہوں نے مزید وضاحت دیتے ہوئے کہا کہ شہادت کے دن نمازِ مغربین کے بعد صحن غدیر میں عزاداری کا ایک اور خاص پروگرام منعقد کیا جائے گا جس میں عراق سے تعلق رکھنے والے خطیب جناب سید زید البطاط خطاب فرمائیں گے اور نزار القطری نوحے اور مرثیے پڑھیں گے ۔
اس کے علاوہ امام رضا(ع) کی شہاد ت کی مناسبت سے بھی عزاداری کے مختلف پروگرامز منعقد کئے جائیں گے۔
اردو زبان زائرین کے لیے عزاداری کے خصوصی پروگراموں کا انعقاد کچھ یوں کیا جائے گا
حرم امام رضا علیہ السلام کے ادارۂ برائے غیر ملکی زائرین نے بتایا کہ گزشتہ سال کی طرح اس سال بھی ماہ صفر کے آخری عشرے میں اردو زبان زائرین کے لیے عزاداری کے مختلف پروگراموں کا انعقاد کیا جائے گا۔
انہوں نے گفتگو کو جاری رکھتے ہوئے کہا کہ پیغمبرِ اکرم(ص) اور امام حسن مجتبیٰ (ع) کی شہادت کی مناسبت سے جمعرات اور جمعہ کو نمازِ مغربین کے فوراً بعد مجلسِ عزاء اور ماتم داری کا خصوصی پروگرام منعقد کیا جائے گا، جس میں جناب محمد اجمل زیارت پڑھیں گے اور سید محمد موسوی مرثیہ خوانی کریں گے، جبکہ حجت الاسلام والمسلمین سید سجاد مہدی رضوی مجلسِ عزاء سے خطاب فرمائیں گے اور جناب عارف حسین زاہدی اور وحید حسین لاشاری نوحہ خوانی کریں گے۔
واضح رہے کہ اردو زبان زائرین کے لیے عزاداری کے یہ پروگرامز حرم امام رضا(ع) کے رواق غدیر میں منعقد کئے جائیں گے۔
شہادت امام رضا علیہ السلام کی مناسبت سے اردو زبان زائرین کا خصوصی پروگرام حرم امام رضا(ع) کے صحن گوہر شاد میں منعقد کیا جائے گا، جس میں جناب میر احمد علی رضوی مرثیے پڑھیں گے اور حجت الاسلام سید سجاد مہدی رضوی خطاب فرمائیں گے اور آخر میں سید عمران علی نقوی نوحے پڑھیں گے۔
آذری زبان زائرین کے پروگراموں کی تفصیلات
جناب مہدی لسانی نے بتایا کہ آذری زبان زائرین کے لیے بھی پیغمبرِ اکرم(ص)، امام حسن مجتبیٰ(ع) اور امام رضا(ع) کی شہادت کی مناسبت سے حرم امام رضا علیہ السلام کے رواق دارالرحمہ میں عزاداری کے مختلف پروگرامز منعقد کئے جائیں گے۔
واضح رہے حرم امام رضا علیہ السّلام میں دنیا بھر سے آنے والے زائرین کے لیے مختلف پروگراموں کا انعقاد سال بھر جاری رہتا ہے۔
آپ کا تبصرہ