حوزہ نیوز ایجنسی کے مطابق، ایران کے وزیر خارجہ عباس عراقچی اور پاکستان کے وزیر خارجہ سینیٹر محمد اسحاق ڈار نے جمعرات کو ٹیلی فون پر گفتگو کی۔ جس میں دو طرفہ تعلقات، خطے کی موجودہ صورتحال اور امن و سلامتی کو فروغ دینے کے لیے جاری سفارتی کوششوں پر تبادلہ خیال کیا۔
رپورٹ کے مطابق دونوں وزرائے خارجہ نے باہمی بھائی چارے اور سیاسی، معاشی و ثقافتی تعاون کو مزید فروغ دینے پر اتفاق کیا اور علاقائی کشیدگی اور غیر مستحکم صورتحال کو بہتر بنانے کے لئے مشترکہ تعاون کو مضبوط بنانے کے عزم کا اظہار کیا۔
وزراء خارجہ نے کہا: ایران اور پاکستان دونوں مل کر متعدد عالمی و علاقائی فورمز میں بھی بہتر تعاون کریں گے تاکہ امن، سلامتی اور خوشحالی کے اہداف حاصل کیے جا سکیں۔
آپ کا تبصرہ