حوزہ نیوز ایجنسی کی رپورٹ کے مطابق، آیت اللہ محمد محمدی ری شہری، مجلس خبرگان میں تہران کے نمائندے، حرم حضرت عبد العظیم حسنی (ع) کے متولی اور دارالحدیث انسٹی ٹیوٹ کے سربراہ گذشتہ شب 76 سال کی عمر میں تہران کے خاتم الانبیاء ہسپتال میں انتقال فرما گئے۔
مرحوم آیت اللہ ری شہری، امام خمینی کی تحریک انقلاب پیش پیش تھے اور انقلاب کے بعد مجلس خبرگان کے رکن، وزیر اطلاعات، اٹارنی جنرل، حج و زیارات میں رہبر معظم کے نمائندے جیسے عہدوں پر فائز رہے۔ ساتھ ہی ایرانی زائرین کے نگراں، حرم حضرت عبدالعظیم حسنی علیہ السلام کے متولی اور سرپرست جیسی خدمات انجام دیں۔
