حوزہ نیوز ایجنسی کے مطابق، مندرجہ ذیل روایت کتاب"من لايحضره الفقيه" سے نقل کی گئی ہے۔ اس روایت کا متن اس طرح ہے:
قال رسول الله صلی الله علیه وآله وسلم:
ثَمانِيةٌ اِنْ اُهينُوا فَلا يَلُومُوا اِلاّ اَنْفُسَهُمْ: اَلذّاهِبُ اِلى مائِدَةٍ لَمْ يُدْعَ اِلَيْها، وَ الْمُتأمِّرُ عَلى رَبِّ الْبَيْتِ، وَطالِبُ الْخَيْرِ مِنْ اَعْدائِهِ، وَ طالِبُ الْفَضْلِ مِنَ اللِّئامِ، وَ الدّاخِلُ بَيْنَ اَثْنِيْنِ فى سرٍّ لَمْ يُدْخِلاهُ فيهِ، وَالْمُسْتَخِفُّ بِالسُّلطانِ، وَالجالِسُ فىمَجْلِسٍ لَيْسَ لَهُ بِاَهْلٍ وَالْمُقْبِلُ بِالْحَديثِ عَلى مَنْ لايَسْمَعُ مِنْهُ.
پیغمبر خدا صلی اللہ علیہ وآلہ وسلم نے فرمایا:
آٹھ افراد کی اگر کہیں توہین ہو تو وہ اپنے سوا کسی کو موردِ سرزنش قرار نہ دیں:
- جو ایسی جگہ مہمان بنے یا ایسے دسترخوان پر بیٹھے جہاں اسے دعوت نہ دی گئی ہو۔
- وہ مہمان جو صاحبِ خانہ کو (کسی کام کا) حکم دے۔
- جو اپنے دشمنوں سے خیر و نیکی کو طلب کرے۔
- جو پست افراد سے احسان و نیکی کی توقع رکھے۔
- جو دو افراد کے درمیان ان کے مخفی کام میں مداخلت کرے حالانکہ انہوں نے اسے اپنے راز سے دور رکھا ہو۔
- جو حکومت کو کم اہمیت اور کمزور سمجھے۔
- جو شخص ایسی جگہ بیٹھے جو اس کے شایانِ شان نہ ہو۔
- جو اپنی بات کسی ایسے شخص کو بتائے جو اس کی بات کو اہمیت نہ دیتا ہو(اسے نظرانداز کرتا ہو)۔
من لايحضره الفقيه، ج ۴، ص ۳۵۵
